الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔
گروی اور اجارہ کے احکام و مسائل
1. رہن رکھے ہوئے جانور سے فائدہ حاصل کرنا
حدیث نمبر: 469 |
|
سیدنا ابوہریرہ رضی اللہ عنہ نے رسول اللہ صلی اللہ علیہ وسلم سے روایت کیا، آپ صلی اللہ علیہ وسلم نے فرمایا: ”جب سواری والا جانور رہن ہو تو اس پر خرچ کرنے کی وجہ سے اس پر سواری کی جائے گی اور دودھ والے جانور کا دودھ پیا جائے گا اور جو سواری کرے گا اور دودھ پئے گا وہی خرچہ برداشت کرے گا۔“
تخریج الحدیث: «بخاري، كتاب الرهن، باب الرهن مركوب ومحلوب، رقم: 2512»
حدیث نمبر: 470 |
|
سیدنا ابوہریرہ رضی اللہ عنہ نے رسول اللہ صلی اللہ علیہ وسلم سے روایت کیا، آپ صلی اللہ علیہ وسلم نے فرمایا: ”گروی جانور پر اس کے خرچ کے بدل سواری کی جائے، اور دودھ والے جانور کا جب کہ وہ گروی ہو خرچ کے بدلے دودھ پیا جائے اور جو کوئی سواری کرے اور دودھ پیئے، اس کا خرچ اسی کے ذمے ہے۔“
تخریج الحدیث: «السابق»
حدیث نمبر: 471 |
|
سیدنا ابوہریرہ رضی اللہ عنہ سے مروی ہے، فرمایا: گروی جانور پر سواری کی جائے اور دودھ دھویا جائے۔
تخریج الحدیث: «مصنف عبدالرزاق، رقم: 15066. صحيح الجامع الصغير، رقم: 3561، قال الالباني: صحيح. الارواء الغليل، رقم: 1609.»