الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔
نیکی اور صلہ رحمی کا بیان
1. کسی کے گھر میں بغیر اجازت داخل ہونے کی ممانعت
حدیث نمبر: 749 |
|
سیدنا ابوہریرہ رضی اللہ عنہ نے رسول اللہ صلی اللہ علیہ وسلم سے روایت کیا آپ صلى اللہ علیہ وسلم نے فرمایا: ”جب آدمی قاصد کے ساتھ آئے تو وہی اس کا اذن ہے۔“
تخریج الحدیث: «مسند احمد: 533/2. قال شعيب الارناوط: اسناده قوي. طبراني اوسط، رقم: 6630. ادب المفرد، رقم: 1075.»
2. نام تبدیل کرنے کا بیان
حدیث نمبر: 750 |
|
سیدنا ابوہریرہ رضی اللہ عنہ نے بیان کیا: زینب رضی اللہ عنہا کا نام برہ تھا، تو انہوں نے کہا: وہ خود ستائی کرتی ہیں، تو رسول اللہ صلی اللہ علیہ وسلم نے ان کا نام زینب رکھ دیا۔
تخریج الحدیث: «بخاري، كتاب الادب، باب تحويل الاسم الي اسم احسن منه، رقم: 6192. مسلم، كتاب الاداب، باب استحباب تغبير الاسم الخ، رقم: 2141. مسند احمد: 430/2.»
حدیث نمبر: 751 |
|
سیدنا ابوہریرہ رضی اللہ عنہ نے بیان کیا: زینب یا میمونہ کا نام برہ تھا، تو رسول اللہ صلی اللہ علیہ وسلم نے ان کا نام زینب یا میمونہ رکھ دیا۔
تخریج الحدیث: «ادب المفرد، رقم: 832. قال الشيخ الالباني: شاذ»
3. نیکی اور صلہ رحمی کا ثواب
حدیث نمبر: 752 |
|
مکحول رحمہ اللہ نے بیان کیا، رسول اللہ صلی اللہ علیہ وسلم نے فرمایا: ”خیر و بھلائی میں سے سب سے جلدی ثواب نیکی اور صلہ رحمی کا ملتا ہے اور شر میں، سب سے جلدی سزا زیادتی اور فاجر جبری قسم کی ملتی ہے، وہ گھروں کو خالی چھوڑ دیتی ہے۔“
تخریج الحدیث: «تقدم تخريجه: 642.»
4. راستے سے تکلیف دہ چیز ہٹانے کا ثواب
حدیث نمبر: 753 |
|
سیدنا ابوہریرہ رضی اللہ عنہ نے رسول اللہ صلی اللہ علیہ وسلم سے روایت کیا، آپ صلى اللہ علیہ وسلم نے فرمایا: ”راستے پر ایک درخت تھا جو لوگوں کے لیے باعث تکلیف تھا، پس ایک آدمی نے اسے کاٹ کر راستے سے ہٹا دیا، تو اس وجہ سے اس کی بخشش ہو گئی اور وہ جنت میں داخل کر دیا گیا۔“
تخریج الحدیث: «بخاري، كتاب الاذان، باب فضل التهجير الي الظهر الخ، رقم: 652. مسلم، رقم: 1914.»
5. اللہ کے ہاں بد ترین لوگ کون ہیں
حدیث نمبر: 754 |
|
مجاہد رحمہ اللہ نے سیدہ عائشہ رضی اللہ عنہا سے اسی مثل روایت کیا اور یہ اضافہ نقل کیا، انہوں (سیدہ عائشہ رضی اللہ عنہا) نے بیان کیا کہ میں نے عرض کیا: اللہ کے رسول! آپ نے جو کہنا تھا وہ کہا:، پھر اس کی تکریم فرمائی، آپ صلی اللہ علیہ وسلم نے فرمایا: ”اللہ کے ہاں وہ لوگ بدترین ہیں جب کہ ان کے شر سے بچنے کے لیے تکریم کی جائے۔“
تخریج الحدیث: «مصنف عبدالرزاق: 310/2. 622/3. مسند احمد: 111/6. اسناده حسن لغيره.»
6. جانوروں کی ضروریات کا خیال رکھنا فرض ہے
حدیث نمبر: 755 |
|
سیدنا ابوہریرہ رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا: ”ایک عورت ایک بلی کی وجہ سے جہنم میں گئی، اس نے اسے باندھ رکھا، پس اس نے اسے نہ کھلایا، نہ پلایا اور نہ ہی اسے چھوڑا کہ وہ حشرات الارض کھا لیتی۔“
تخریج الحدیث: «بخاري، كتاب الشرب، باب سقي الماء، رقم: 3365. مسلم، كتاب البروالصلة، باب تحريم تعذيب الهرة الخ، رقم: 2619. سنن دارمي، رقم: 2814. مسند احمد: 424/2.»
حدیث نمبر: 756 |
|
محمد بن جعفر نے اس اسناد سے روایت کیا، انہوں نے کہا: ایک عورت بلی کی وجہ سے جہنم میں گئی، اس نے اسے باندھ رکھا اور اسے نہ چھوڑا کہ وہ حشرت الارض کھا لیتی۔
تخریج الحدیث: «تقدم تخريجه: 82.»
7. چہرے پر مارنے سے اجتناب کا بیان
حدیث نمبر: 757 |
|
سیدنا ابوہریرہ رضی اللہ عنہ نے رسول اللہ صلی اللہ علیہ وسلم سے روایت کیا، آپ صلی اللہ علیہ وسلم نے فرمایا: ”جب تم میں سے کوئی لڑے تو وہ چہرے (پر مارنے) سے اجتناب کرے۔“
تخریج الحدیث: «بخاري، رقم: 2559. مسلم، كتاب البروالصلة، باب النهي عن ضرب الوجه، رقم: 2612. سنن ابوداود، رقم: 4493.»
حدیث نمبر: 758 |
|
سیدنا ابوہریرہ رضی اللہ عنہ نے رسول اللہ صلی اللہ علیہ وسلم سے روایت کیا، آپ صلى اللہ علیہ وسلم نے فرمایا: ”جب تم میں سے کوئی قتال کرے تو وہ چہرے سے اجتناب کرے۔“
تخریج الحدیث: «السابق.»