الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔
سیدنا مرہ فہری رضی اللہ عنہ سے منقول روایات
1. حدیث نمبر 861
حدیث نمبر: 861 |
|
861- ام سعید جو سیدنا مرہ فہری رضی اللہ عنہ کی صاحبزادی ہیں، وہ اپنے والد کے حوالے سے نبی اکرم صلی اللہ علیہ وسلم کایہ فرمان نقل کرتی ہیں: میں اور یتیم کی کفالت کرنے والا، خواہ وہ اپنا (رشتہ دار) ہو یا کسی دوسرے کا ہو (ہم دونوں) جنت میں ان دو کی طرح ہوں گے۔
سفیان نے اپنی دوانگلیوں کے ذریعے اشارہ کرکے یہ روایت بیان کی۔
سفیان نے اپنی دوانگلیوں کے ذریعے اشارہ کرکے یہ روایت بیان کی۔
تخریج الحدیث: «فى إسناده أنيسة، وأم سعيد -ويقال: أم سعد- ما رأيت فيهما جرحاً ولا تعديلاً، فيهما على شرط ابن حبان، وباقي رجاله ثقات وأخرجه مالك فى «الموطأ» برقم: 3491، والبيهقي فى «سننه الكبير» برقم: 12786، 12788، وأخرجه الطبراني فى "الكبير" برقم: 758، 759، 255، 256»
2. حدیث نمبر 862
حدیث نمبر: 862 |
|
862-اسماعیل بن امیہ بیان کرتے ہیں: مجھ تک یہ روایت پہنچی ہے، نبی اکرم صلی اللہ علیہ وسلم نے یہ بات ارشاد فرمائی ہے ”میں اور یتیم کی کفالت کرنے والا، خواہ وہ یتیم اس (کے اپنے خاندان کا) ہویا کسی دوسرے خاندان کا ہو اور وہ شخص اس کے بارے میں احتیاط کرے، ہم دونوں جنت میں اس طرح ہوں گے۔“ حمیدی رحمہ اللہ نے اپنی دوانگلیوں کے ذریعے اشارہ کرکے بتایا۔
تخریج الحدیث: «إسناده معضل والحديث صحيح وانظر التعليق السابق»