الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔
کتاب: جمعہ کے بیان میں
1. بَابُ الْعَمَلِ فِي غُسْلِ يَوْمِ الْجُمُعَةِ
1. جمعہ کے دن غسل کا بیان
حدیث نمبر: 224 |
|
سیدنا ابوہریرہ رضی اللہ تعالیٰ عنہ سے روایت ہے کہ رسول اللہ صلی اللہ علیہ وسلم نے فرمایا: ”جو شخص جمعہ کے دن غسلِ جنابت کی طرح غسل کرے، پھر مسجد میں پہلی ساعت میں پہنچے تو گویا اس نے ایک اُونٹ صدقہ دیا، اور جو جائے دوسری ساعت میں تو گویا اس نے ایک بیل یا ایک گائے کا صدقہ دیا، اور جو جائے تیسری ساعت میں تو گویا اس نے ایک سینگ دار مینڈھے کا صدقہ دیا، اور جو جائے چوتھی ساعت میں تو گویا اس نے ایک مرغ کا صدقہ دیا، اور جو جائے پانچویں ساعت میں تو گویا اس نے ایک انڈا صدقہ دیا۔ پھر جس وقت امام خطبہ کے لئے نکلتا ہے تو فرشتے خطبہ سننے آتے ہیں۔“
تخریج الحدیث: «صحيح، أخرجه البخاري فى «صحيحه» برقم: 881، ومسلم فى «صحيحه» برقم: 850، وابن حبان فى «صحيحه» برقم: 2775، والنسائي فى «المجتبیٰ» برقم: 1389، والنسائي فى «الكبریٰ» برقم: 1708، 11908، 11909، وأبو داود فى «سننه» برقم: 351، والترمذي فى «جامعه» برقم: 499، وابن ماجه فى «سننه» برقم: 1092، والبيهقي فى «سننه الكبير» برقم: 5944، وأحمد فى «مسنده» برقم: 10064، والطحاوي فى «شرح مشكل الآثار» برقم: 2604، 2605، شركة الحروف نمبر: 211، فواد عبدالباقي نمبر: 5 - كِتَابُ الْجُمُعَةِ-ح: 1»
حدیث نمبر: 225 |
|
سیدنا ابوہریرہ رضی اللہ تعالیٰ عنہ کہتے تھے: جمعہ کے دن غسل کرنا واجب ہے ہر بالغ پر مثل غسلِ جنابت کے۔
تخریج الحدیث: «موقوف صحيح، وأخرجه عبد الرزاق فى «مصنفه» برقم: 5305، والاوسط لابن المنذر برقم: 40/4، شركة الحروف نمبر: 212، فواد عبدالباقي نمبر: 5 - كِتَابُ الْجُمُعَةِ-ح: 2»
حدیث نمبر: 226 |
|
حضرت سالم بن عبداللہ سے روایت ہے، انہوں نے کہا: رسول اللہ صلی اللہ علیہ وسلم کے اصحاب میں سے ایک شخص جمعہ کے دن مسجد میں آئے اور سیدنا عمر بن خطاب رضی اللہ تعالیٰ عنہ خطبہ پڑھ رہے تھے، تو سیدنا عمر رضی اللہ تعالیٰ عنہ بولے: ”کیا وقت ہے یہ آنے کا؟“ اس شخص نے جواب دیا: میں بازار سے پھرا تو میں نے اذان سنی، پس میں نے وضو کیا اور چلا آیا، تو سیدنا عمر رضی اللہ تعالیٰ عنہ نے فرمایا: یہ دوسرا قصور ہے تم نے صرف وضو کیا، حالانکہ تم کو معلوم ہے کہ رسول اللہ صلی اللہ علیہ وسلم غسل کا حکم فرماتے تھے۔
تخریج الحدیث: «صحيح، وأخرجه البخاري فى «صحيحه» برقم: 878، 882، ومسلم فى «صحيحه» برقم: 845، وابن خزيمة فى «صحيحه» برقم: 1748، بدون ترقيم، وابن حبان فى «صحيحه» برقم: 1230، والنسائي فى «الكبریٰ» برقم: 1682، وأبو داود فى «سننه» برقم: 340، والترمذي فى «جامعه» برقم: 493، 494، والدارمي فى «مسنده» برقم: 1580، والبيهقي فى «سننه الكبير» برقم: 1422، 1423، وأحمد فى «مسنده» برقم: 92، 204، وعبد الرزاق فى «مصنفه» برقم: 5292، شركة الحروف نمبر: 213، فواد عبدالباقي نمبر: 5 - كِتَابُ الْجُمُعَةِ-ح: 3»
حدیث نمبر: 227 |
|
سیدنا ابوسعید خدری رضی اللہ تعالیٰ عنہ سے روایت ہے کہ رسول اللہ صلی اللہ علیہ وسلم نے فرمایا: ”جمعہ کا غسل واجب ہے ہر بالغ شخص پر۔“
تخریج الحدیث: «صحيح، وأخرجه البخاري فى «صحيحه» برقم: 858، 879، 880، 895، 2665، ومسلم فى «صحيحه» برقم: 846، وابن خزيمة فى «صحيحه» برقم: 1742، وابن حبان فى «صحيحه» برقم: 1228، 1229، 1233، والنسائي فى «المجتبیٰ» برقم: 1376، 1382، والنسائي فى «الكبریٰ» برقم: 1679، 1680، وأبو داود فى «سننه» برقم: 341، 344، والدارمي فى «مسنده» برقم: 1578، 1579، وابن ماجه فى «سننه» برقم: 1089، والبيهقي فى «سننه الكبير» برقم: 1421، 5743، وأحمد فى «مسنده» برقم: 11184، 11422، والحميدي فى «مسنده» برقم: 753، وأبو يعلى فى «مسنده» برقم: 978، شركة الحروف نمبر: 214، فواد عبدالباقي نمبر: 5 - كِتَابُ الْجُمُعَةِ-ح: 4»
حدیث نمبر: 228 |
|
سیدنا عبداللہ بن عمر رضی اللہ تعالیٰ عنہما سے روایت ہے کہ رسول اللہ صلی اللہ علیہ وسلم نے فرمایا: ”جو شخص جمعہ کو آئے تو غسل کر کے آئے، یا جو شخص نمازِ جمعہ کا ارادہ کرے تو غسل کرے۔“
تخریج الحدیث: «صحيح، وأخرجه البخاري فى «صحيحه» برقم: 877، 894، 919، ومسلم فى «صحيحه» برقم: 844، وابن خزيمة فى «صحيحه» برقم: 1749، وابن حبان فى «صحيحه» برقم: 1223، 1224، والنسائي فى «المجتبیٰ» برقم: 1377، 1404، 1406، والنسائي فى «الكبریٰ» برقم: 1683، 1684، والترمذي فى «جامعه» برقم: 492، 493، والدارمي فى «مسنده» برقم: 1577، وابن ماجه فى «سننه» برقم: 1088، والبيهقي فى «سننه الكبير» برقم: 1418، 1419، وأحمد فى «مسنده» برقم: 3116، والحميدي فى «مسنده» برقم: 620، 621، 622، وأبو يعلى فى «مسنده» برقم: 5480، شركة الحروف نمبر: 215، فواد عبدالباقي نمبر: 5 - كِتَابُ الْجُمُعَةِ-ح: 5»
حدیث نمبر: 228ب1 |
|
امام مالک رحمہ اللہ نے فرمایا کہ جس شخص نے غسل کر لیا جمعہ کے روز صبح کے وقت اور نیت کی اس نے غسلِ جمعہ کی تو یہ غسل کافی نہ ہوگا یہاں تک کہ غسل کرے نماز کو جاتے وقت کیونکہ سیدنا عبداللہ بن عمر رضی اللہ عنہما کی حدیث میں ہے کہ رسول اللہ صلی اللہ علیہ وسلم نے فرمایا: ”جب کوئی تم میں سے نمازِ جمعہ کا ارادہ کرے تو غسل کرے۔“
تخریج الحدیث: «شركة الحروف نمبر: 215، فواد عبدالباقي نمبر: 5 - كِتَابُ الْجُمُعَةِ-ح: 5»
حدیث نمبر: 228ب2 |
|
امام مالک رحمہ اللہ نے فرمایا: جو شخص غسل کرے جمعہ کے دن جلدی یا دیر سے اور نیت کرے غسلِ جمعہ کی پھر ٹوٹ جائے وضو اس کا تو وضو کرے اور غسل کافی ہو جائے گا۔
تخریج الحدیث: «شركة الحروف نمبر: 215، فواد عبدالباقي نمبر: 5 - كِتَابُ الْجُمُعَةِ-ح: 5»
2. بَابُ مَا جَاءَ فِي الْإِنْصَاتِ يَوْمَ الْجُمُعَةِ وَالْإِمَامُ يَخْطُبُ
2. جمعہ کے دن خطبہ ہو رہا ہو تو چپ رہنا چاہیے
حدیث نمبر: 229 |
|
سیدنا ابوہریرہ رضی اللہ تعالیٰ عنہ سے روایت ہے کہ رسول اللہ صلی اللہ علیہ وسلم نے فرمایا: ”جس وقت امام خطبہ پڑھتا ہے، اگر تو اپنے پاس والے سے کہے کہ ”چپ رہو“ تو تو نے بھی ایک لغو حرکت کی۔“
تخریج الحدیث: «صحيح، وأخرجه البخاري فى «صحيحه» برقم: 934، ومسلم فى «صحيحه» برقم: 851، وابن حبان فى «صحيحه» برقم: 2793، 2795، والنسائي فى «المجتبیٰ» برقم: 1403، 1401، 1576، والنسائي فى «الكبریٰ» برقم: 1738، 1739، وأبو داود فى «سننه» برقم: 1112، والترمذي فى «جامعه» برقم: 512، والدارمي فى «مسنده» برقم: 1589، 1590، 1591، وابن ماجه فى «سننه» برقم: 1110، والبيهقي فى «سننه الكبير» برقم: 5905، وأحمد فى «مسنده» برقم: 7450، والحميدي فى «مسنده» برقم: 996، وأبو يعلى فى «مسنده» برقم: 5846، وعبد الرزاق فى «مصنفه» برقم: 5414، شركة الحروف نمبر: 216، فواد عبدالباقي نمبر: 5 - كِتَابُ الْجُمُعَةِ-ح: 6»
حدیث نمبر: 230 |
|
حضرت ثعلبہ بن ابی مالک قرضی سے روایت ہے کہ لوگ جمعہ کے دن نماز پڑھا کرتے تھے، یہاں تک کہ سیدنا عمر بن خطاب رضی اللہ تعالیٰ عنہ نکلتے۔ پھر جب سیدنا عمر بن خطاب رضی اللہ تعالیٰ عنہ نکلتے اور منبر پر بیٹھتے اور اذان دینے والے اذان دیتے تو ثعلبہ کہتے ہیں کہ ہم بیٹھے ہوئے باتیں کیا کرتے، جب مؤذن چپ ہوجاتے اور سیدنا عمر بن خطاب رضی اللہ تعالیٰ عنہ کھڑے ہو کر خطبہ پڑھتے تو کوئی بات نہ کرتا۔ ابن شہاب نے کہا: جب امام خطبہ کے لئے نکلے تو نماز موقوف کر نا چاہیئے اور جب خطبہ شروع کرے تو بات موقوف کرنا چاہیے۔
تخریج الحدیث: «موقوف صحيح، وأخرجه البيهقي فى «سننه الكبير» برقم: 5766، 5767، 5768، 5798، وابن أبى شيبة فى «مصنفه» برقم: 5216، 5339، 5344، والطحاوي فى «شرح معاني الآثار» برقم: 2174، والطحاوي فى «شرح مشكل الآثار» برقم: 435/9، شركة الحروف نمبر: 217، فواد عبدالباقي نمبر: 5 - كِتَابُ الْجُمُعَةِ-ح: 7»
حدیث نمبر: 231 |
|
حضرت مالک بن ابی عامر سے روایت ہے کہ سیدنا عثمان بن عفان رضی اللہ تعالیٰ عنہ جب خطبہ کے لئے کھڑے ہوتے تو اکثر کہا کرتے اور بہت کم ایسا ہوتا کہ یہ بات نہ کہتے کہ: اے لوگو! جب امام خطبہ کے لئے کھڑا ہو تو خطبہ کو سنا کرو، اور چپ رہا کرو، کیونکہ جو شخص چپ رہے گا اور خطبہ اس کو سنائی نہ دے گا تب بھی اس کو اتنا ہی اجر ملے گا جتنا اس شخص کو ملے گا جو چپ ہو کر خطبہ سنتا ہے، اور خطبہ اس کو سنائی بھی دیتا ہے، اور جب نماز کے لئے تکبیر ہو تو صفوں اور مونڈھوں کو برابر کیا کرو، کیونکہ صفوں کا برابر کرنا نماز کو مکمل کرنا ہے۔ پھر سیدنا عثمان غنی رضی اللہ تعالیٰ عنہ اس وقت تک تکبیرِ تحریمہ نہیں کہتے تھے جب تک کہ وہ لوگ جن کو صفیں برابر کرنے کے لئے مقرر کیا ہوتا تھا آکر یہ نہ کہہ دیتے تھے کہ صفیں برابر ہوگئیں، پھر تکبیرِ تحریمہ کہتے تھے۔
تخریج الحدیث: «موقوف صحيح، وأخرجه البيهقي فى «سننه الكبير» برقم: 5915، وعبد الرزاق فى «مصنفه» برقم: 2442، 2443، 2780، 2781، 5372، 5373، وابن أبى شيبة فى «مصنفه» برقم: 3552، شركة الحروف نمبر: 218، فواد عبدالباقي نمبر: 5 - كِتَابُ الْجُمُعَةِ-ح: 8»