الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔
غسل کا بیان
ग़ुस्ल करने के बारे में
1. غسل جنابت کا طریقہ
“ ग़ुस्ल जनाबत ! नापाक होने के बाद नहाने का तरीक़ा ”
حدیث نمبر: 43 |
|
نبی صلی اللہ علیہ وسلم کی زوجہ سیدہ عائشہ رضی اللہ عنہا سے روایت ہے کہ رسول اللہ صلی اللہ علیہ وسلم جب غسل جنابت فرماتے تو ابتدا میں دونوں ہاتھ دھوتے، پھر نماز جیسا وضو کرتے پھر اپنی انگلیاں پانی میں داخل کر کے بالوں کی جڑوں تک خلال کرتے، پھر اپنے ہاتھ کے ساتھ سر پر تین دفعہ پانی ڈالتے، پھر سارے جسم پر پانی بہاتے تھے۔
تخریج الحدیث: «449- الموطأ (رواية يحيیٰي بن يحيیٰي 44/1 ح 96، ك 2 ب 17 ح 67) التمهيد 92/22، الاستذكار: 83 و أخرجه البخاري (248) من حديث مالك به ورواه مسلم (316) من طريق آخر عن هشام بن عروه به وصرح بالسماع عنده وهو بري من التدليس والحمد للہ.»
2. غسل جنابت کے پانی کی مقدار
“ ग़ुस्ल जनाबत ! नापाक होने के बाद नहाने के लिए पानी कितना हो ”
حدیث نمبر: 44 |
|
نبی صلی اللہ علیہ وسلم کی زوجہ سیدہ عائشہ رضی اللہ عنہا سے روایت ہے کہ رسول اللہ صلی اللہ علیہ وسلم غسل جنابت ایک برتن سے کرتے تھے جسے «فَرَقُ» کہتے ہیں۔ (فرق میں تین صاع یعنی ساڑھے سات کلو پانی آتا تھا۔)
تخریج الحدیث: «34- الموطأ (رواية يحييٰ بن يحييٰ 44/1، 45 ح 97، ك 2، ب 17، ح 68) التمهيد 100/8، الاستذكار: 84 و أخرجه مسلم (319) من حديث مالك به ورواه البخاري (250) من حديث ابن شهاب الزهري به.»
3. دوران غسل بات چیت کرنا
“ ग़ुस्ल करते यानि नहाते समय बातचीत करना ”
حدیث نمبر: 45 |
|
سیدہ ام ہانی بنت ابی طالب رضی اللہ عنہا سے روایت ہے کہ میں (مکہ کی) فتح والے سال رسول اللہ صلی اللہ علیہ وسلم کے پاس گئی تو دیکھا کہ آپ صلی اللہ علیہ وسلم غسل فرما رہے تھے اور رسول اللہ صلی اللہ علیہ وسلم کی بیٹی سیدہ فاطمہ رضی اللہ عنہا نے کپڑے سے آپ صلی اللہ علیہ وسلم کا پردہ کر رکھا تھا، تو میں نے سلام کیا۔ آپ صلی اللہ علیہ وسلم نے فرمایا: ”یہ کون ہے؟“ میں نے کہا: میں ابوطالب کی بیٹی ام ہانی ہوں تو آپ صلی اللہ علیہ وسلم نے فرمایا: ”ام ہانی کو خوش آمدید۔“ پھر جب آپ صلی اللہ علیہ وسلم اپنے غسل سے فارغ ہوئے تو کھڑے ہو کر ایک کپڑے میں لپٹے ہوئے آپ نے آٹھ رکعات پڑھیں، پھر فارغ ہوئے، تو میں نے کہا: یا رسول اللہ! میری ماں کے بیٹے (سیدنا علی رضی اللہ عنہ) کا یہ دعویٰ ہے کہ وہ اس آدمی فلاں بن ہبیرہ کو قتل کریں گے جسے میں نے پناہ دے رکھی ہے۔ تو آپ صلی اللہ علیہ وسلم نے فرمایا: ”اے ام ہانی! جسے تم نے پناہ دی ہے ہم اسے پناہ دیتے ہیں۔“ ام ہانی نے فرمایا: اور یہ چاشت کا وقت تھا۔
تخریج الحدیث: «421- متفق عليه، الموطأ (رواية يحيیٰي بن يحيیٰي 152/1 ح 356، ك 9 ب 8 ح 28) التمهيد 186/21، الاستذكار: 329 و أخرجه البخاري (357) ومسلم (336/82 بعد ح 819) من حديث مالك به.»
4. رات کو جنبی ہو جائے تو کیا کرے؟
“ रात को अगर नापाक हो जाए तो क्या करे ”
حدیث نمبر: 46 |
|
اور اسی سند کے ساتھ (سیدنا ابن عمر رضی اللہ عنہما سے) روایت ہے کہ سیدنا عمر بن خطاب رضی اللہ عنہ نے رسول اللہ صلی اللہ علیہ وسلم کو بتایا کہ وہ (بعض اوقات) رات کو جنبی ہو جاتے ہیں (تو کیا کریں؟) رسول اللہ صلی اللہ علیہ وسلم نے فرمایا: ”وضو کرو اور اپنی شرمگاہ (ذکر) دھو لو پھر سو جاؤ۔“
تخریج الحدیث: «280- متفق عليه، الموطأ (رواية يحيیٰي بن يحيیٰي 47/1 ح 105، ك 2 ب 19 ح 76) التمهيد 33/17، الاستذكار: 90 و أخرجه البخاري (290) و مسلم (306/25) من حديث مالك به.»
5. خاوند اور بیوی کا ایک برتن سے پانی لے کر غسل کرنا
“ पती पत्नी का एक ही बर्तन में पानी लेकर नहाना ”
حدیث نمبر: 47 |
|
اور اسی سند کے ساتھ (سیدہ عائشہ رضی اللہ عنہا سے) روایت ہے کہ میں اور رسول اللہ صلی اللہ علیہ وسلم ایک برتن سے غسل کرتے تھے۔
تخریج الحدیث: «450- الموطأ (رواية ابي مصعب: 145) و أخرجه النسائي (128/1 ح 233، 201/1 ح 411) والجوهري في مسند الموطأ (740) من حديث مالك به ورواه البخاري (7339) من حديث هشام بن عروه به نحو المعني بالفاظ أخريٰ۔ وصرح هشام بالسماع عند احمد (193/6 ح 25608) وهو بري من التدليس كما تقدم في الحديث السابق: 449.»
6. عورت پر احتلام ہونے کی صورت میں غسل واجب ہے
“ औरत को एहतलाम होने की हालत में ग़ुस्ल करना यानि नहाना वाजिब है ”
حدیث نمبر: 48 |
|
ام المؤمنین سیدہ ام سلمہ رضی اللہ عنہا سے روایت ہے کہ سیدنا ابوطلحہ الانصاری رضی اللہ عنہ کی بیوی ام سلیم رضی اللہ عنہا نے رسول اللہ صلی اللہ علیہ وسلم کے پاس آ کر عرض کیا: یا رسول اللہ! بے شک اللہ حق (بات بیان) کرنے میں حیا نہیں کرتا، اگر عورت کو احتلام ہو جائے تو کیا اس پر غسل (ضروری) ہے؟ آپ صلی اللہ علیہ وسلم نے فرمایا: ”ہاں! اگر وہ پانی دیکھے۔“
تخریج الحدیث: «477- الموطأ (رواية يحيیٰي بن يحيیٰي 51/1، 52 ح 114، ك 2 ب 21 ح 85) التمهيد 214/22، الاستذكار: 96 و أخرجه البخاري (282) من حديث مالك به.»
7. حیض اور استحاضہ کا بیان
“ माहवारी के बारे में ”
حدیث نمبر: 49 |
|
اور اسی سند کے ساتھ (سیدہ عائشہ رضی اللہ عنہا سے) روایت ہے کہ فاطمہ بنت ابی حبیش رضی اللہ عنہا نے رسول اللہ صلی اللہ علیہ وسلم سے کہا: میں پاک ہی نہیں ہوتی تو کیا میں نماز چھوڑ دوں؟ تو رسول اللہ صلی اللہ علیہ وسلم نے فرمایا: ”یہ رگ (کا خون) ہے حیض نہیں ہے۔ جب حیض (کا وقت) آئے تو نماز چھوڑ دو، پھر جب اس کے حساب سے دن گزر جائیں تو اپنے سے خون دھو کر نماز پڑھو۔“
تخریج الحدیث: «451- الموطأ (رواية يحيیٰي بن يحيیٰي 61/1 ح 132، ك 2 ب 29 ح 104) التمهيد 102/22، 103 الاستذكار: 111 و أخرجه البخاري (306) من حديث مالك به وفي رواية يحيي بن يحيي: ”لَيْسَتْ“.»
8. حیض کے خون کو کھرچنا اور دھونا چاہئے
“ माहवारी के ख़ून को खुरचना और धोना चाहिए ”
حدیث نمبر: 50 |
|
سیدہ اسماء بنت ابی بکر رضی اللہ عنہا سے روایت ہے کہ ایک عورت نے رسول اللہ صلی اللہ علیہ وسلم سے پوچھا: یا رسول اللہ! یہ فرمایئے کہ اگر ہم میں سے کسی کے کپڑے کو حیض کا خون لگ جائے تو وہ کیا کرے؟ تو رسول اللہ صلی اللہ علیہ وسلم نے فرمایا: ”جب تم میں سے کسی کے کپڑے کو حیض کا خون لگ جائے تو وہ اسے کھرچ لے پھر اس پر پانی بہا دے تاکہ اس میں نماز پڑھ سکے۔“
تخریج الحدیث: «480- الموطأ (رواية يحيیٰي بن يحيیٰي 60/1، 61 ح 131، ك 2 ب 28 ح 103، وفي سنده خطأ فاحش) التمهيد 228/22، 229، الاستذكار: 110 و أخرجه مسلم (291) من حديث مالك به.»
9. حالت حیض میں عورت چند ممنوعہ امور کے علاوہ تمام کا م کر سکتی ہے
“ माहवारी की हालत में औरत कुछ मना किये गए काम छोड़ कर सब काम कर सकती है ”
حدیث نمبر: 51 |
|
سیدہ عائشہ رضی اللہ عنہا سے روایت ہے کہ میں حیض کی حالت میں (بھی) رسول اللہ صلی اللہ علیہ وسلم کے سر میں کنگھی کرتی تھی۔ ابوالحسن (القابسی) نے کہا: دباغ کی روایت سے کتاب الصلاۃ میں اس حدیث کی سند اسی طرح ہے اور اسی طرح ایک نسخے میں ہے اور عیسیٰ (بن مسکین) کی کتاب میں «عن هشام عن ابيه» اور «عن ابن شهاب عن عائشه» ہے۔
تخریج الحدیث: «462- الموطأ (رواية يحيیٰي بن يحيیٰي 60/1 ح 130، ك 2 ب 28 ح 102) التمهيد 136/22، الاستذكار: 109 و أخرجه البخاري (295) من حديث مالك به، ومسلم (297) من حديث هشام بن عروة به سقط من الأصل والسياق يقتضيه.»