´شہداء کے اجر و ثواب کا بیان۔`
ابوہریرہ رضی الله عنہ سے روایت ہے کہ رسول اللہ صلی اللہ علیہ وسلم نے فرمایا: ”میرے اوپر ان تین اشخاص کو پیش کیا گیا جو جنت میں سب سے پہلے جائیں گے: ایک شہید، دوسرا حرام سے دور رہنے والا اور نامناسب امور سے بچنے والا، تیسرا وہ غلام جو اچھی طرح اللہ کی عبادت بجا لائے اور اپنے مالکان کے لیے خیر چاہے یا ان کے حقوق بجا لائے۔‏‏‏‏“ [سنن ترمذي/كتاب فضائل الجهاد/حدیث: 1642]

اردو حاشہ:
نوٹ:
(سند میں عامر العقیلی مجہول ہیں اور ان کے والد عقبہ العقیلی مقبول راوی ہیں،
یعنی متابعت کے وقت،
اور یہاں کوئی متابع نہیں ہے،
نیز یحیی بن ابی کثیر مدلس اور ارسال کرنے والے راوی ہیں،
اور یہاں پر ان کی روایت عنعنہ سے ہے،
اوران سے روایت کرنے والے علی بن المبارک الہنائی کی یحیی بن ابی کثیر سے دو کتابیں تھیں ایک کتاب کا انہیں سماع حاصل تھا،
اور دوسری روایت مرسل اور کوفی رواۃ جب علی بن المبارک سے روایت کرتے ہیں تو ان میں بعض ضعف ہوتاہے،
اور یہاں پرعلی بن المبارک کے شاگرد عثمان بن عمر بصری راوی ہیں)