´میت کی اچھائیوں اور خوبیوں کا بیان۔`
ابوہریرہ رضی اللہ عنہ کہتے ہیں رسول اللہ صلی اللہ علیہ وسلم کے پاس سے لوگ ایک جنازہ لے کر گزرے تو لوگوں نے اس کی خوبیاں بیان کیں تو آپ صلی اللہ علیہ وسلم نے فرمایا: «وجبت» ”جنت اس کا حق بن گئی“ پھر لوگ ایک دوسرا جنازہ لے کر گزرے تو لوگوں نے اس کی برائیاں بیان کیں تو آپ صلی اللہ علیہ وسلم نے فر مایا: «وجبت» ”دوزخ اس کے گلے پڑ گئی“ پھر فرمایا: ”تم میں سے ہر ایک دوسرے پر گواہ ہے۔‏‏‏‏“ [سنن ابي داود/كتاب الجنائز /حدیث: 3233]

فوائد ومسائل:
1۔
جسے بھلائی سے یاد کیا گیا۔
اس کے لئے جنت واجب ہوئی اور دوسرے کےلئے جہنم۔
2۔
حقیقت حال ہی تو اللہ کے علم میں ہے۔
مگر زندوں پر لازم ہے کہ اپنے مرنے والوں کو بھلائی سے یاد کریں۔
یا کم از کم خاموش رہیں۔
لوگوں میں جس کسی کا کوئی شہرہ ہوتا ہے۔
اس کی کوئی نہ کوئی بنیاد ضرور ہوتی ہے۔
اس لئے چاہییے کہ انسان حق اور خیر اپنائے تا کہ اس کا ذکر خیر کے ساتھ ہو۔