´بیٹھ کر نماز پڑھنے کا بیان۔`
عبداللہ بن شقیق کہتے ہیں کہ میں نے ام المؤمنین عائشہ رضی اللہ عنہا سے پوچھا: کیا رسول اللہ صلی اللہ علیہ وسلم پوری سورت ایک رکعت میں پڑھتے تھے؟ انہوں نے کہا: (ہاں) مفصل کی، پھر میں نے پوچھا: کیا آپ بیٹھ کر نماز پڑھتے تھے؟ انہوں نے کہا: جس وقت لوگوں (کے کثرت معاملات) نے آپ صلی اللہ علیہ وسلم کو شکستہ (یعنی بوڑھا) کر دیا۔ [سنن ابي داود/أبواب تفريع استفتاح الصلاة /حدیث: 956]

956۔ اردو حاشیہ:
➊ یعنی معقول عذر کے بغیر بیٹھ کر نماز پڑھنا مناسب نہیں ہے۔
➋ دعوت، تزکیہ جہاد اور سخت ترین عبادت کے مسلسل عمل نے آپ صلی اللہ علیہ وسلم کو فی الواقع تھکا دیا تھا۔
➌ ایک رکعت میں ایک سے زیادہ سورتیں پڑھنا بھی جائز ہے۔