الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔

 
صحيح مسلم کل احادیث 3033 :ترقیم فواد عبدالباقی
صحيح مسلم کل احادیث 7563 :حدیث نمبر
صحيح مسلم
روزوں کے احکام و مسائل
7. باب بَيَانِ مَعْنَى قَوْلِهِ صَلَّى اللَّهُ تَعَالَى عَلَيْهِ وَسَلَّمَ: «شَهْرَا عِيدٍ لاَ يَنْقُصَانِ»:
7. باب: نبی صلی اللہ علیہ وسلم کے اس قول کے معنی میں کہ عید کے دونوں مہینے ناقص نہیں ہوتے۔
حدیث نمبر: 2532
پی ڈی ایف بنائیں اعراب
حدثنا ابو بكر بن ابي شيبة ، قال: حدثنا معتمر بن سليمان ، عن إسحاق بن سويد ، وخالد ، عن عبد الرحمن بن ابي بكرة ، عن ابي بكرة ، ان نبي الله صلى الله عليه وسلم، قال: " شهرا عيد لا ينقصان "، في حديث خالد: " شهرا عيد رمضان وذو الحجة ".حَدَّثَنَا أَبُو بَكْرِ بْنُ أَبِي شَيْبَةَ ، قَالَ: حَدَّثَنَا مُعْتَمِرُ بْنُ سُلَيْمَانَ ، عَنْ إسحاق بْنِ سُوَيْدٍ ، وَخَالِدٍ ، عَنْ عَبْدِ الرَّحْمَنِ بْنِ أَبِي بَكْرَةَ ، عَنْ أَبِي بَكْرَةَ ، أَنَّ نَبِيَّ اللَّهِ صَلَّى اللَّهُ عَلَيْهِ وَسَلَّمَ، قَالَ: " شَهْرَا عِيدٍ لَا يَنْقُصَانِ "، فِي حَدِيثِ خَالِدٍ: " شَهْرَا عِيدٍ رَمَضَانُ وَذُو الْحِجَّةِ ".
معتمر بن سلیمان، اسحاق بن سوید، خالد، حضرت عبدالرحمٰن بن ابی بکرہ رضی اللہ عنہ اپنے باپ سے روایت کرتےہوئے فرماتے ہیں۔کہ نبی کریم صلی اللہ علیہ وسلم نے ارشاد فرمایادو مہینے ناقص نہیں ہوتے خالد کی حدیث میں ہے کہ عید کے دو مہینے رمضان اور ذی الحجہ کے ہیں۔ خالد کی حدیث میں ہے"عید کے دونوں مہینے، رمضان اور ذوالحجہ۔"
حضرت ابو بکرہ رضی اللہ تعالیٰ عنہ سے روایت ہے کہ نبی صلی اللہ علیہ وسلم نے فرمایا: عید کے دو ماہ کم نہیں ہوتے خالد کی حدیث میں ہے۔ عید کے دو ماہ رمضان اور ذوالحجہ ہیں۔
ترقیم فوادعبدالباقی: 1089

   صحيح البخاري1912نفيع بن الحارثشهران لا ينقصان شهرا عيد رمضان وذو الحجة
   صحيح مسلم2532نفيع بن الحارثشهرا عيد لا ينقصان
   صحيح مسلم2531نفيع بن الحارثشهرا عيد لا ينقصان رمضان وذو الحجة
   جامع الترمذي692نفيع بن الحارثشهرا عيد لا ينقصان رمضان وذو الحجة
   سنن أبي داود2323نفيع بن الحارثشهرا عيد لا ينقصان رمضان وذو الحجة
   سنن ابن ماجه1659نفيع بن الحارثشهرا عيد لا ينقصان رمضان وذو الحجة

تخریج الحدیث کے تحت حدیث کے فوائد و مسائل
  مولانا عطا الله ساجد حفظ الله، فوائد و مسائل، سنن ابن ماجه، تحت الحديث1659  
´عید کے دونوں مہینوں کا بیان۔`
ابوبکرہ رضی اللہ عنہ کہتے ہیں کہ نبی اکرم صلی اللہ علیہ وسلم نے فرمایا: عید کے دونوں مہینے رمضان اور ذی الحجہ کم نہیں ہوتے ۱؎۔ [سنن ابن ماجه/كتاب الصيام/حدیث: 1659]
اردو حاشہ:
فائده:
اس فرمان نبوی ﷺ کی وضاحت مختلف انداز سے کی گئی ہے۔
ایک قول کے مطابق حدیث کامطلب یہ ہے کہ مہینے انتیس کے بھی ہوں تو عظمت وثواب کے لحاظ سے بڑے ہی ہیں۔
انھیں چھوٹا نہ سمجھو۔
دوسرا مطلب یہ بیان کیا گیا ہے۔
کہ ایک سال میں دونوں انتیس کے نہیں ہوتے۔
اگر ان میں سے ایک مہینہ انتیس دن کا ہوگا تو دوسرا ضرور تیس کا ہوگا۔
یہ مطلب بھی ایک حد تک صحیح ہے۔
کیونکہ عام طور پر ایسا ہی ہوتا ہے۔
پہلا مطلب زیادہ صحیح معلوم ہوتا ہے۔
کیونکہ ر مضان میں روزوں کی عبادت کی جاتی ہے۔
اور ذوالحجہ میں حج کی عبادت ہوتی ہے۔
اور یہ دونوں اسلام کے ارکان میں سے ہیں۔
جب کہ اسلام کے دوسرے ارکان کسی خاص مہینے سے تعلق نہیں رکھتے۔
   سنن ابن ماجہ شرح از مولانا عطا الله ساجد، حدیث\صفحہ نمبر: 1659   
  الشیخ ڈاکٹر عبد الرحمٰن فریوائی حفظ اللہ، فوائد و مسائل، سنن ترمذی، تحت الحديث 692  
´عید کے دونوں مہینے کم نہیں ہوتے۔`
ابوبکرہ رضی الله عنہ کہتے ہیں کہ رسول اللہ صلی اللہ علیہ وسلم نے فرمایا: عید کے دونوں مہینے رمضان ۱؎ اور ذوالحجہ کم نہیں ہوتے (یعنی دونوں ۲۹ دن کے نہیں ہوتے)۔‏‏‏‏ [سنن ترمذي/كتاب الصيام/حدیث: 692]
اردو حاشہ:
1؎:
یہاں ایک اشکال یہ ہے کہ عید تو شوال میں ہوتی ہے پھر رمضان کو شہرعید کیسے کہا گیا ہے اس کا جواب یہ ہے کہ یہ قرب کی وجہ سے کہا گیا ہے چونکہ عید رمضان ہی کی وجہ سے متحقق ہوتی ہے لہذا اس کی طرف نسبت کر دی گئی ہے۔

2؎:
اس پر یہ اعتراض ہوتا ہے کہ بعض اوقات دونوں انتیس (29) کے ہوتے ہیں،
تو اس کا جواب یہ دیا جاتا ہے کہ اس سے مراد یہ ہے کہ عام طور سے دونوں کم نہیں ہوتے ہیں۔

3؎:
اور ایسا ہوتا بھی ہے۔
   سنن ترمذي مجلس علمي دار الدعوة، نئى دهلى، حدیث\صفحہ نمبر: 692   
  الشيخ عمر فاروق سعيدي حفظ الله، فوائد و مسائل، سنن ابي داود ، تحت الحديث 2323  
´مہینہ انتیس دن کا بھی ہوتا ہے۔`
ابوبکرہ رضی اللہ عنہ نبی اکرم صلی اللہ علیہ وسلم سے روایت کرتے ہیں آپ نے فرمایا: عید کے دونوں مہینے رمضان اور ذی الحجہ کم نہیں ہوتے ۱؎۔‏‏‏‏ [سنن ابي داود/كتاب الصيام /حدیث: 2323]
فوائد ومسائل:
اس حدیث کی شرح میں کئی اقوال ہیں۔
افادات حافظ ابن قیم رحمة اللہ علیہ کا حاصل درج ذیل ہے۔

(1) یہ دونوں مہینے ایک ہی سال میں انتیس انتیس دن کے نہیں ہوتے۔
امام احمد کی رائے بھی یہی ہے۔

(2) یہ بات تغلیبی ہے یعنی بالعموم نقص میں جمع نہیں ہوتے۔
اگر کبھی ہو بھی جائیں تو وہ شاذ ہے۔

(3) علماء کی ایک جماعت کا خیال ہے کہ نبی صلی اللہ علیہ وسلم کا یہ فرمان اسی سال کے لیےتھا۔

(4) یہ دونوں مہینے اجروثواب میں کم نہیں ہوتے خواہ گنتی میں انتیس دن ہی کے ہوں۔
اللہ کے ہاں اجروثواب پورا ہوتا ہے۔

(5) اس قول سے مراد عشرہ ذی الحجہ کی فضیلت کا بیان ہے کہ ان دنوں کے اعمال کا ثواب رمضان کے برابر ہوتا ہے۔
البتہ ان دونوں میں تقابلی طور پر یوں کہا جاتا ہے کہ آخری عشرہ رمضان اور اول عشرہ ذی الحجہ میں عشرہ رمضان کی راتوں کو فضیلت ہے، کیونکہ ان میں لیلة القدر ہے۔
اور نبی صلی اللہ علیہ وسلم ان راتوں میں عبادت کا جو اہتمام فرماتے تھے، دیگر زمانے میں ایسے نہ ہوتا تھا۔
اور دنوں کے اعتبار سے عشرہ ذی الحجہ کے دن افضل ہیں کیونکہ حدیث میں قربانی والے دن کو اعظم الایام فرمایا گیا ہے۔
اور یوم عرفہ کی فضیلت بھی معلوم و معروف ہے۔

(6) چونکہ یہ مہینے اور دن اللہ کے محبوب ترین ایام ہیں اور ان میں کیے جانے والے اعمال بہت مبارک ہوتے ہیں۔
لہذا بطور ترغیب فرمایا گیا ہے کہ ان کی کمی بیشی کا خیال مت کرو بلکہ اعمال خیر میں سبقت کی کوشش کرو۔
اجر و ثواب میں ان دونوں مہینوں میں کوئی کمی نہیں ہوتی۔

   سنن ابی داود شرح از الشیخ عمر فاروق سعدی، حدیث\صفحہ نمبر: 2323   
  الشيخ الحديث مولانا عبدالعزيز علوي حفظ الله، فوائد و مسائل، تحت الحديث ، صحيح مسلم: 2532  
1
حدیث حاشیہ:
فوائد ومسائل:
اس حدیث کا معنی بقول بعض یہ ہے کہ رمضان اور ذوالحجہ ہمیشہ تیس،
تیس کے ہوتے ہیں۔
لیکن یہ مفہوم واقعہ اور مشاہدہ کے بالکل خلاف ہے۔
اس لیے یہ معنی مراد نہیں ہو سکتا۔
اور امام احمد رحمۃ اللہ علیہ کے نزدیک معنی یہ ہے بیک وقت دونوں کم نہیں ہوتے اگر ایک انتیس کا ہے تو دوسرا لازماً تیس (30)
کا ہو گا لیکن یہ بھی مشاہدہ اور واقعہ کے خلاف ہے دونوں مہینے ایک ہی سال انتیس انتیس کے ہو جاتے ہیں۔
صحیح بات امام اسحاق بن راہویہ کی ہے کہ مہینہ انتیس کا ہو یا تیس کا اجر وثواب کم نہیں ہوتا۔
یا یہ معنی کیا جائے ان کے احکام دونوں صورتوں میں یکساں ہیں۔
یا یہ مقصود یہ کہ عام طور پر دونوں انتیس انتیس کے نہیں ہوتے۔
کبھی کبھار ایسا بھی ہو جاتا ہے۔
اور لحاظ عموم واکثر کا ہوتا ہے۔
   تحفۃ المسلم شرح صحیح مسلم، حدیث\صفحہ نمبر: 2532   

http://islamicurdubooks.com/ 2005-2023 islamicurdubooks@gmail.com No Copyright Notice.
Please feel free to download and use them as you would like.
Acknowledgement / a link to www.islamicurdubooks.com will be appreciated.