سیدنا حذیفہ بن یمان رضی اللہ عنہ سے مروی ہے وہ فرماتے ہیں کہ رسول اللہ صلی اللہ علیہ وسلم نے میری یا اپنی پنڈلی کے پٹھے کو پکڑ کر فرمایا: ”یہ ازار اور تہبند کی جگہ ہے۔ اگر تم یہ نصیحت ماننے میں کوتاہی کرو تو تھوڑا سا نیچے کر لو، اگر یہ بھی نہ مانو تو یہ بات جان لو کہ ٹخنوں میں تہبند کا کوئی حصہ نہیں ہے۔ یعنی ٹخنوں کو تہبند سے ڈھانپنا درست اور جائز نہیں ہے۔“
تخریج الحدیث: «صحيح» : «سنن ترمذي: 1783، وقال: حسن صحيح. سنن ابن ماجه: 3572. سنن نسائي: 5331. صحيح ابن حبان (الاحسان:5421، نسخه محققه: 5445). مسند احمد (396/5 ح 23356) وصرح ابواسحاق السبيعي بالسماع عنده»