سیدنا ابوسعید خدری رضی اللہ عنہ سے مروی ہے کہ رسول اللہ صلی اللہ علیہ وسلم جب مسجد میں بیٹھتے تو گوٹ مار کر تشریف فرما ہوتے۔
تخریج الحدیث: «سندہ ضعيف جدًا» : «سنن ابي داود: 4846» اس روایت کا راوی عبداللہ بن ابراہیم بن ابی عمرو الغفاری المدنی سخت مجروح تھا۔ ◈ امام ابوداود رحمہ اللہ نے فرمایا: «شيخ منكر الحديث» [ح 4846] ◈ حافظ ابن حجر نے فرمایا: «متروك و نسبه ابن حبان الي الوضع» ”وہ متروک ہے اور ابن حبان نے بتایا کہ وہ حدیثیں گھڑتا تھا۔“ [تقريب التهذيب:3199] فائدہ: صحیح بخاری کی حدیث اس روایت س بے نیاز کر دیتی ہے اور اس کا متن درج ذیل ہے: سیدنا ابن عمر رضی اللہ عنہما نے فرمایا: ”میں نے رسول اللہ صلی اللہ علیہ وسلم کو کعبہ کے صحن میں گوٹ مار کر اس طرح (یعنی جلسہ «قرفصاء» کی طرح) بیٹھے ہوئے دیکھا۔“ [ح 6272]