عاصم بن لقيط بن صبرہ نے اپنے والد سیدنا لقيط بن صبرہ رضی اللہ عنہ سے روایت کیا جو بنی منتفق کے وفد میں تھے نبی کریم صلی اللہ علیہ وسلم نے فرمایا: ”جب وضو کرو تو پوری طرح وضو کرو، اور انگلیوں کے درمیان خلال کرو۔“
تخریج الحدیث: تحقيق الحديث: حسين سليم أسد الداراني: «إسناده صحيح، [مكتبه الشامله نمبر: 732]» اس حدیث کی سند صحیح ہے۔ دیکھئے: [أبوداؤد 142، 143]، [ترمذي 38]، [نسائي 87]، [ابن ماجه 448]، [صحيح ابن حبان 1054]، [موارد الظمآن 159]، [المنتقی 80]، [نيل الأوطار 179/1]
وضاحت: (تشریح احادیث 725 سے 728) اس حدیث اور پچھلی حدیث سے داڑھی اور انگلیوں کے درمیان خلال کرنا اور انہیں اچھی طرح سے دھونا ثابت ہوا، اور یہ دونوں چیزیں وضو کے سنن میں سے ہیں۔