سیدنا عبدالرحمٰن بن ابی بکر رضی اللہ عنہما کہتے ہیں رسول اللہ صلی اللہ علیہ وسلم نے مجھے حکم فرمایا کہ میں سیدہ عائشہ رضی اللہ عنہا کو پیچھے بٹھا کر لے جاؤں اور انہیں تنعیم سے عمرہ کروا دوں۔ سفیان نے کہا: شعبہ رحمۃ اللہ علیہ اس طرح کی اسناد پسند کرتے تھے۔
تخریج الحدیث: تحقيق الحديث: حسين سليم أسد الداراني: «إسناده صحيح، [مكتبه الشامله نمبر: 1904]» اس روایت کی سند صحیح ہے۔ دیکھئے: [بخاري 1784]، [مسلم 2928]، [ترمذي 934]، [ابن ماجه 2999]، [أحمد 406/6]، [طبراني 367]۔ اور عمرو: ابن دینار ہیں۔