سلیمان بن بریدہ نے میرا خیال ہے اپنے والد سے روایت کرتے ہوئے کہا: رسول اللہ صلی اللہ علیہ وسلم فرمایا: ”جنت کے لوگوں کی ایک سو بیس صف ہوں گی ان میں اسی صف میری امت کی اور چالیس صف دیگر تمام (امت کے) لوگوں کی ہوں گی۔“
تخریج الحدیث: تحقيق الحديث: حسين سليم أسد الداراني: «إسناده صحيح، [مكتبه الشامله نمبر: 2877]» اس حدیث کی سند صحیح ہے۔ دیکھئے: [ترمذي 2546]، [ابن ماجه 4289]، [ابن حبان 7459]، [موارد الظمآن 2638، وله شاهد عند أبى يعلی 5358]
وضاحت: (تشریح حدیث 2868) اس حدیث سے معلوم ہوا امّتِ محمد صلی اللہ علیہ وسلم کی تعداد جنّت میں بہت زیادہ ہوگی بلکہ دو تہائی مسلمان اور ایک تہائی دیگر امّت کے لوگ ہوں گے، دنیا میں بھی آپ صلی اللہ علیہ وسلم کے امتی تمام نبیوں کی امّت سے زیادہ اور آخرت میں بھی سب سے زیادہ ہوں گے۔