انس رضی اللہ عنہ نبی صلی اللہ علیہ وآلہ وسلم سے روایت کرتے ہیں کہ آپ نے یہ آیت پڑھی: ”وہ (اللہ تعالیٰ) اہل تقوی اور اہل مغفرت ہے۔ “ تو آپ صلی اللہ علیہ وآلہ وسلم نے فرمایا: ”تمہارا رب فرماتا ہے: میں اس لائق ہوں کہ مجھ سے ڈرا جائے، جو شخص مجھ سے ڈرتا ہے تو پھر میں اس کا اہل ہوں کہ میں اسے بخش دوں۔ “ اسنادہ ضعیف، رواہ الترمذی و ابن ماجہ و الدارمی۔
تخریج الحدیث: ´تحقيق و تخريج: محدث العصر حافظ زبير على زئي رحمه الله` «إسناده ضعيف، رواه الترمذي (3328 وقال: حسن غريب) و ابن ماجه (4299) والدارمي (303/2 ح 2727) ٭ سھيل بن عبد الله القطيعي: ضعيف.»