حضرت زبیر بن عبدالرحمٰن سے روایت ہے کہ رفاعہ بن سموال قرظی نے اپنی بی بی تمیمہ بنت وہب کو رسول اللہ کے زمانے میں تین طلاقیں دیں، تو انہوں نے نکاح کیا عبدالرحمٰن بن زبیر سے۔ مگر عبدالرحمٰن اس پر قادر نہ ہوئے اور جماع نہ کر سکے، اس واسطے عبدالرحمٰن نے اس کو چھوڑ دیا، تب رفاعہ جو شوہر اول تھے انہوں نے پھر نکاح کرنا چاہا۔ جب رسول اللہ صلی اللہ علیہ وسلم سے اس کا ذکر ہوا تو آپ صلی اللہ علیہ وسلم نے منع کیا اور رفاعہ سے فرمایا: ”وہ عورت تجھ کو حلال نہیں جب تک دوسرے شخص سے جماع نہ کرائے۔“
تخریج الحدیث: «مرفوع صحيح لغيره، أخرجه ابن حبان فى «صحيحه» برقم: 4121، والبيهقي فى «سننه الكبير» برقم: 15196، 15197، والبيهقي فى «معرفة السنن والآثار» برقم: 4511، والطبراني فى "الكبير"، 4565، فواد عبدالباقي نمبر: 28 - كِتَابُ النِّكَاحِ-ح: 17»