سیدہ عائشہ رضی اللہ عنہا نے فرمایا: پہلے قرآن شریف میں یہ اُترا تھا کہ دس بار دودھ پلائے تو حرمت ثابت ہوتی ہے، پھر منسوخ ہو گیا اور پانچ بار پلانا ٹھہرا. رسول اللہ صلی اللہ علیہ وسلم کی وفات ہوئی اور لوگ اس کو قرآن پڑھتے تھے۔ امام مالک رحمہ اللہ نے فرمایا کہ اس حدیث پر عمل نہیں ہے۔ بلکہ قلیل اور کثیر دونوں رضاعت سے حرمت ثابت ہوتی ہے۔
تخریج الحدیث: «مرفوع صحيح، وأخرجه مسلم فى «صحيحه» برقم: 1452، وابن حبان فى «صحيحه» برقم: 4221، 4222، والنسائي فى «المجتبیٰ» برقم: 3309، والنسائي فى «الكبریٰ» برقم: 5425، وأبو داود فى «سننه» برقم: 2062، والترمذي فى «جامعه» برقم: 1150، والدارمي فى «مسنده» برقم: 2299، وابن ماجه فى «سننه» برقم: 1942، 1944، وسعيد بن منصور فى «سننه» برقم: 976، والبيهقي فى «سننه الكبير» برقم: 15720، وأحمد فى «مسنده» برقم: 26957، وأبو يعلى فى «مسنده» برقم: 4588، فواد عبدالباقي نمبر: 30 - كِتَابُ الرَّضَاعِ-ح: 17»