سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے رخصت دی عریوں کے بیچنے کی اٹکل سے، بشرطیکہ پانچ وسق سے کم ہوں یا پانچ وسق کے اندر ہوں۔
تخریج الحدیث: «مرفوع صحيح، وأخرجه البخاري فى «صحيحه» برقم: 2190، 2382، ومسلم فى «صحيحه» برقم: 1541، وابن حبان فى «صحيحه» برقم: 5006، 5007، والنسائي فى «المجتبیٰ» برقم: 4545، والنسائي فى «الكبریٰ» برقم: 6087، 11706، وأبو داود فى «سننه» برقم: 3364، والترمذي فى «جامعه» برقم: 1301، والبيهقي فى «سننه الكبير» برقم: 10777، 10778، 10779، وأحمد فى «مسنده» برقم: 7235، والطحاوي فى «شرح معاني الآثار» برقم: 5603، فواد عبدالباقي نمبر: 31 - كِتَابُ الْبُيُوعِ-ح: 14»
امام مالک رحمہ اللہ نے فرمایا کہ عریہ کا اندازہ درختوں پر کر لیا جائے گا، اور رسول اللہ صلی اللہ علیہ وسلم نے اس کو جائز رکھا، یہ تولیہ یا اقالہ یا شرکت کے مثل ہے، اگر یہ اور بیعوں کے مثل ہوتا تو کھانے کی چیزوں کا تولیہ یا اقالہ یا شرکت قبل قبضے کے نا درست ہے، یہ بھی درست نہ ہوتا۔