امام مالک رحمہ اللہ نے فرمایا کہ یہ بھی اس کی مثال ہے کہ دو عورتیں گواہی دیں بچے کے رونے پر، تو اس بچے کے لیے میراث ثابت ہوجائے گی، اور جو بچہ مر گیا ہوگا تو اس کے وارثوں کو میراث ملے گی، حالانکہ ان دو عورتوں کے ساتھ نہ کوئی مرد ہے نہ قسم ہے، اور کبھی میراث کا مال کثیر ہوتا ہے، جیسے سونا، چاندی، زمین، باغ، غلام وغیرہ، اگر یہی دو عورتیں ایک درہم پر یا اس سے کم پر بھی گواہی دیں تو ان کی گواہی سے کچھ ثابت نہ ہوگا، جب تک کہ ان کے ساتھ ایک مرد یا ایک قسم نہ ہو۔