سیدنا ابوبکرہ رضی اللہ عنہ سے مروی ہے کہ بے شک نبی صلی اللہ علیہ وسلم نے فرمایا: ”فحش گوئی بداخلاقی میں سے ہے۔“
تخریج الحدیث: «صحيح، ابن ماجه: 4184، ترمذي: 2009، سنن النسائي الصغرى: 2009، وأحمد فى «مسنده» برقم: 10661، عن ابي هريرة، أخرجه ابن حبان فى «صحيحه» برقم: 5704، والحاكم فى «مستدركه» برقم: 171، والطبراني فى «الكبير» برقم: 409، والطبراني فى «الأوسط» برقم: 5055، 8607، والطبراني فى «الصغير» برقم: 1091، والطحاوي فى «شرح مشكل الآثار» برقم: 3206»
وضاحت: تشریح- جو شخص زبان کا بے باک ہو کہ ہر بری اور فحش بات بے دھڑک زبان سے نکال دے، گالی گلوچ اور گندی زبان بکتا پھرے تو سمجھ لو کہ وہ شرم و حیا سے کورا ہے اور اخلاق نام کی اس کے اندر کوئی چیز نہیں کیونکہ اگر اس کے اندر اخلاق ہوتا تو وہ زبان کا سوچ سمجھ کر استعمال کرتا لہٰذا فرمایا کہ فحش گوئی اور بدکلامی بداخلاقی کی علامت اور اس کا حصہ ہے۔