´اللہ کی رضا کے لیے مسجد بنانے والے کی فضیلت۔`
عمر بن خطاب رضی اللہ عنہ کہتے ہیں کہ میں نے رسول اللہ صلی اللہ علیہ وسلم کو فرماتے ہوئے سنا: ”جس شخص نے اللہ تعالیٰ کے ذکر کے لیے مسجد بنائی، اللہ تعالیٰ اس کے لیے جنت میں گھر بنائے گا۔‏‏‏‏“ [سنن ابن ماجه/كتاب المساجد والجماعات/حدیث: 735]

اردو حاشہ:
فوائد و مسائل:
(1)
اللہ کے ذکر سے مراد نماز کی ادائیگی بھی ہے اور دیگر اذکار وظائف بھی۔
اس کے علاوہ اس میں وعظ وتبلیغ اور درس وتدریس بھی شامل ہے۔

(2)
مسجد کی تعمیر میں حصہ لینے والے کے لیے یہ عظیم خوشخبری ہے کہ اللہ تعالی اس کے لیے جنت میں گھر بناتا ہے اس کا مطلب یہ ہے کہ وہ شخص جنت میں ضرور داخل ہوگا۔