📖 حوالہ / مصدر: اسے امام ابوداؤد 184 (الفاظ انہی کے ہیں)، امام ترمذی 81 اور ابن ماجہ 494 نے مختصراً ابومعاویہ محمد بن خازم عن الاعمش سلیمان بن مہران عن عبداللہ بن عبداللہ الرازی عن عبدالرحمٰن بن ابی لیلیٰ عن حضرت براء بن عازب رضی اللہ عنہ کی سند سے روایت کیا ہے۔

🔍 فنی نکتہ / علّت: اس سند کے تمام راوی ثقہ ہیں سوائے عبداللہ بن عبداللہ الرازی کے، لیکن امام احمد بن حنبل اور عجلی نے ان کی توثیق کی ہے۔ امام نسائی فرماتے ہیں کہ ان میں کوئی حرج نہیں، جبکہ حافظ ابن حجر نے انہیں "صدوق" (سچے) کے درجے میں رکھا ہے۔

⚖️ درجۂ حدیث: امام اسحاق بن راہویہ فرماتے ہیں کہ اس باب میں رسول اللہ ﷺ سے دو حدیثیں صحیح ثابت ہیں، ایک براء بن عازب کی اور دوسری جابر بن سمرہ کی؛ اسے امام ترمذی نے ذکر کیا ہے۔

⚖️ درجۂ حدیث: حضرت براء بن عازب کی اس حدیث کو امام ابن خزیمہ 32 اور امام ابن حبان 1128 نے بھی صحیح قرار دیا ہے۔