الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔

 
سلسله احاديث صحيحه کل احادیث 4103 :حدیث نمبر
سوانح حیات محمد ناصر الدین الالبانی رحمہ اللہ
سوانح حیات​:​
شیخ رحمہ اللہ کی علالت اور وفات:
شیخ رحمہ اللہ گزشتہ کئی ماہ سے مسلسل بیمار تھے، علاج کی غرض سے ہسپتال میں داخل بھی رہے لیکن آخر کار 3 اکتوبر 1999ء کو اُردن میں فکر و بصیرت کا یہ روشن ستارہ، امت اسلامیہ کا یہ بطل جلیل، مقتدر عالم، باوقار مبلغ، دوراندیش مفتی، علم و فن کا امام، تصنیف و تالیف کے میدانوں کا شہسوار اور دعوت و تبلیغ کی محفلوں کی یہ شمع فروزاں بھی گل ہو گئی «فإنالله وانا اليه راجعون»
آپ کی وفات سے عالم اسلام بلاشبہ ایک متبحر عالم، محدث عصر اور جلیل القدر مفسر سے محروم ہو گیا ہے۔ آپ کے ارتحال کی خبر پا کر دنیا کے اطراف و اکناف میں علومِ حدیث کے شائقین کے چہرے سوگوار ہو گئے۔ مشاہیر نے آپ کی وفات کو پوری امت کا عظیم خسارہ قرار دیا ہے۔ اگر یہ کہا جائے کہ تمام عالم اسلام آپ کی جدائی پر ماتم کناں ہے تو غلط نہ ہو گا کہ ؎
ہزاروں سال نرگس اپنے بے نوری پر روتی ہے
بڑی مشکل سے ہوتا ہے چمن میں دیدہ ور پیدا
اللہ ربّ العزت آپ کی تمام مساعی جمیلہ کو شرف قبولیت بخشے، آپ کو کشادہ جنت میں جگہ عطا فرمائے اور پسماندگان کو صبر جمیل کی توفیق بخشے۔ آمین!
تحریر: غازی عزیر، محدث میگزین شمارہ: 231، نومبر 1999، شعبان 1420


http://islamicurdubooks.com/ 2005-2023 islamicurdubooks@gmail.com No Copyright Notice.
Please feel free to download and use them as you would like.
Acknowledgement / a link to www.islamicurdubooks.com will be appreciated.