امام اسحاق ابن راہویہ کے تلامذہ کے مختلف طبقات ہیں:
➊ ان کے بعض اساتذہ: بقیہ بن ولید، محمد بن یحییٰ ذہلی اور یحییٰ بن آدم وغیرہ۔
➋ اور معاصرین میں: احمد بن حنبل، اسحاق بن منصور کوسج، محمد بن رافع اور یحییٰ بن معین۔
➌ اور رشتہ داروں میں بیٹے محمد نے بھی استفادہ کیا ہے اور صحاح ستہ کے مصنّفین میں امام ابن ماجہ کے علاوہ سب کو ان سے شرفِ تلمذ حاصل ہے۔ بعض اور ممتاز تلامذہ اور منتسبین کے نام حسب ذیل ہیں:
ابراہیم بن ابی طالب، احمد بن سلمہ، اسحاق بن ابراہیم نیشاپوری، جعفر فریابی، حسن بن سفیان، زکریا سجری، ابوالعباس سراج، عبداللہ بن عبدالرحمٰن دارمی، عبداللہ بن محمد بن شیرویہ، محمد بن افلح، محمد بن نصر مروزی اور موسیٰ بن ہارون وغیرہ۔ [تاريخ بغداد: 245/6 تا 247 - ابن عساكر: 410/2 - طبقات الشافعية: 232/1 و 233 - التهذيب: 317/1]