         
 |
 |
الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔
مسند الشهاب
احادیث801 سے 1000
583. لَا يَأْتِي عَلَى النَّاسِ زَمَانٌ إِلَّا وَالَّذِي بَعْدَهُ شَرٌّ مِنْهُ
583. لوگوں پر جو بھی دور آئے گا وہ اپنے سے پہلے دور سے برا ہوگا
| حدیث نمبر: 903 |
سیدنا انس بن مالک رضی اللہ عنہ کہتے ہیں: ”تم پر جو بھی دور آئے گا وہ اپنے سے پہلے دور سے برا ہوگا۔“ ہم نے یہ بات تمہارے نبی صلی اللہ علیہ وسلم سے سنی ہے۔ [مسند الشهاب/حدیث: 903]
تخریج الحدیث: «صحيح، وأخرجه البخاري فى «صحيحه» برقم: 7068، وابن حبان فى «صحيحه» برقم: 5952، والترمذي فى «جامعه» برقم: 2206، والطبراني فى «الصغير» برقم: 528، وأحمد فى «مسنده» برقم: 12345، وأبو يعلى فى «مسنده» برقم: 4036، 4037، والبزار فى «مسنده» برقم: 7482»
وضاحت: تشریح: -
زبیر بن عدی کہتے ہیں کہ ہم لوگ سیدنا انس بن مالک رضی اللہ عنہ کے پاس آئے، ہم نے ان سے حجاج بن یوسف کے مظالم کی شکایت کی جو حجاج کی طرف سے ہمیں پہنچے تھے، تب سیدنا انس رضی اللہ عنہ نے فرمایا: ”صبر کرو کیونکہ تم پر جو دور بھی آئے گا اس کے بعد والا دور اس سے بھی برا ہوگا یہاں تک کہ تم اپنے رب سے جا ملو۔“ میں نے یہ بات تمہارے! نبی صلی اللہ علیہ وسلم سے سنی ہے۔“ [بخاري: 7068]
اس حدیث میں اس بات کی پیش گوئی ہے کہ حالات دن بدن خراب سے خراب تر اور اسی حساب سے حکمران بھی ظالم اور بد سے بدتر ہوں گے، ایسے حالات میں حکمرانوں کو ان کے حال پر چھوڑ کر ہر شخص اپنی اصلاح کرے اور اپنی آخرت سنوارنے کی فکر کرے اور حکمرانوں کی طرف سے ظلم و ستم کا ارتکاب ہو تو اسے برداشت کرے اور صبر سے کام لے۔ (ریاض الصالحين: 1/126)
زبیر بن عدی کہتے ہیں کہ ہم لوگ سیدنا انس بن مالک رضی اللہ عنہ کے پاس آئے، ہم نے ان سے حجاج بن یوسف کے مظالم کی شکایت کی جو حجاج کی طرف سے ہمیں پہنچے تھے، تب سیدنا انس رضی اللہ عنہ نے فرمایا: ”صبر کرو کیونکہ تم پر جو دور بھی آئے گا اس کے بعد والا دور اس سے بھی برا ہوگا یہاں تک کہ تم اپنے رب سے جا ملو۔“ میں نے یہ بات تمہارے! نبی صلی اللہ علیہ وسلم سے سنی ہے۔“ [بخاري: 7068]
اس حدیث میں اس بات کی پیش گوئی ہے کہ حالات دن بدن خراب سے خراب تر اور اسی حساب سے حکمران بھی ظالم اور بد سے بدتر ہوں گے، ایسے حالات میں حکمرانوں کو ان کے حال پر چھوڑ کر ہر شخص اپنی اصلاح کرے اور اپنی آخرت سنوارنے کی فکر کرے اور حکمرانوں کی طرف سے ظلم و ستم کا ارتکاب ہو تو اسے برداشت کرے اور صبر سے کام لے۔ (ریاض الصالحين: 1/126)
