         
 |
 |
الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔
مسند الشهاب
احادیث1001 سے 1200
699. إِنَّ اللَّهَ لَيُؤَيِّدُ هَذَا الدِّينَ بِالرَّجُلِ الْفَاجِرِ
699. بے شک اللہ تعالیٰ ٰ اس دین کی فاجر شخص کے ذریعے بھی مدد کرے گا
| حدیث نمبر: 1096 |
سیدنا نعمان بن عمرو بن مقرن رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”بے شک اللہ تعالیٰ ٰ اس دین کی فاجر شخص کے ذریعے بھی مدد کرے گا۔“ [مسند الشهاب/حدیث: 1096]
تخریج الحدیث: «إسناده حسن، وأخرجه المعجم الكبير: 81، جزء: 17»
| حدیث نمبر: 1097 |
سیدنا ابوہریرہ رضی اللہ عنہ کہتے ہیں کہ ہم رسول اللہ صلی اللہ علیہ وسلم کے ہمراہ غزوہ خیبر میں شریک ہوئے اور انہوں نے اس حدیث کو طوالت کے ساتھ ذکر کیا اور اس کے آخر میں یہ الفاظ تھے: ”جنت میں صرف مسلمان شخص داخل ہوگا اور بے شک اللہ اس دین کی فاجر شخص کے ذریعے بھی مدد کرے گا۔“ [مسند الشهاب/حدیث: 1097]
تخریج الحدیث: «صحيح، وأخرجه البخاري فى «صحيحه» برقم: 3062، 4203، 6606، ومسلم فى «صحيحه» برقم: 111، وابن حبان فى «صحيحه» برقم: 4519، والنسائي فى «الكبریٰ» برقم: 8832، 8833، والدارمي فى «مسنده» برقم: 2559، والبيهقي فى «سننه الكبير» برقم: 16935، 17946، وأحمد فى «مسنده» برقم: 8205، 8206، والطبراني فى «الأوسط» برقم: 3393، والطبراني فى «الصغير» برقم: 336، وعبد الرزاق فى «مصنفه» برقم: 9573»
وضاحت: تشریح: -
اس حدیث سے معلوم ہوا کہ اللہ تعالیٰ ٰ دین اسلام کی تقویت اور تائید کا کام کسی فاجر و فاسق شخص سے بھی لے سکتا ہے لہٰذا ثابت ہوا کہ کسی فاسق و فاجر شخص سے اشاعت دین کے سلسلے میں بوقت ضرورت مدد لینا جائز ہے، باقی جہاں تک صحیح مسلم (1817) کی روایت کہ ”میں کسی مشرک سے ہرگز مدد نہ لوں گا۔“ کا تعلق ہے تو وہ ایک موقع کے ساتھ خاص ہے۔
اس حدیث سے معلوم ہوا کہ اللہ تعالیٰ ٰ دین اسلام کی تقویت اور تائید کا کام کسی فاجر و فاسق شخص سے بھی لے سکتا ہے لہٰذا ثابت ہوا کہ کسی فاسق و فاجر شخص سے اشاعت دین کے سلسلے میں بوقت ضرورت مدد لینا جائز ہے، باقی جہاں تک صحیح مسلم (1817) کی روایت کہ ”میں کسی مشرک سے ہرگز مدد نہ لوں گا۔“ کا تعلق ہے تو وہ ایک موقع کے ساتھ خاص ہے۔