         
 |
 |
الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔
مسند الشهاب
احادیث1201 سے 1400
831. بِئْسَ مَطِيَّةُ الرَّجُلِ زَعَمُوا
831. زعموا آدمی کی بہت بری سواری ہے
| حدیث نمبر: 1334 |
ابوقلابہ کہتے ہیں کہ سیدنا ابوعبداللہ رضی اللہ عنہ نے سیدنا ابومسعود رضی اللہ عنہ سے یا ابومسعود نے ابوعبد اللہ سے پوچھا: کہ «زعموا» کے بارے میں آپ نے رسول اللہ صلی اللہ علیہ وسلم کو کیا فرماتے سنا ہے؟ انہوں نے کہا: میں نے آپ صلی اللہ علیہ وسلم کو اس کے بارے میں یہ فرماتے سنا: ”زعموا آدمی کی بہت بری سواری ہے۔“ [مسند الشهاب/حدیث: 1334]
تخریج الحدیث: «صحيح، وأخرجه أبو داود فى «سننه» برقم: 4972، والبيهقي فى «سننه الكبير» برقم: 21228، وأحمد فى «مسنده» برقم: 17350، 23885، وابن أبى شيبة فى «مصنفه» برقم: 26307، والطحاوي فى «شرح مشكل الآثار» برقم: 185، 186، معرفة الصحابة لابي نعيم: 6271»
| حدیث نمبر: 1335 |
ابوقلابہ کہتے ہیں کہ مجھے سیدنا ابوعبداللہ رضی اللہ عنہ نے بیان کیا کہ نبی صلی اللہ علیہ وسلم نے فرمایا: ”زعموا آدمی کی بہت بری سوار ہے۔“
قاضی ابوعبد الله محمد بن سلامہ بن جعفر قضاعی نے کہا: میرے گمان کے مطابق اس حدیث میں مذکور ابوعبداللہ سے مراد سیدنا حذیفہ بن یمان رضی اللہ عنہ ہیں کیونکہ وہ کوفہ میں سیدنا ابومسعود رضی اللہ عنہ کے ساتھ رہتے تھے، آپس میں اٹھا بیٹھا کرتے تھے اور ایک دوسرے سے پوچھتے رہتے تھے۔ اور سیدنا حذیفہ رضی اللہ عنہ کی کنیت ابوعبداللہ تھی۔ [مسند الشهاب/حدیث: 1335]
قاضی ابوعبد الله محمد بن سلامہ بن جعفر قضاعی نے کہا: میرے گمان کے مطابق اس حدیث میں مذکور ابوعبداللہ سے مراد سیدنا حذیفہ بن یمان رضی اللہ عنہ ہیں کیونکہ وہ کوفہ میں سیدنا ابومسعود رضی اللہ عنہ کے ساتھ رہتے تھے، آپس میں اٹھا بیٹھا کرتے تھے اور ایک دوسرے سے پوچھتے رہتے تھے۔ اور سیدنا حذیفہ رضی اللہ عنہ کی کنیت ابوعبداللہ تھی۔ [مسند الشهاب/حدیث: 1335]
تخریج الحدیث: «صحيح، وأخرجه أبو داود فى «سننه» برقم: 4972، والبيهقي فى «سننه الكبير» برقم: 21228، وأحمد فى «مسنده» برقم: 17350، 23885، وابن أبى شيبة فى «مصنفه» برقم: 26307، والطحاوي فى «شرح مشكل الآثار» برقم: 185، 186، معرفة الصحابة لابي نعيم: 6271»
| حدیث نمبر: 1336 |
سیدنا ابومسعود رضی اللہ عنہ سے مروی ہے کہ ان سے پوچھا: گیا: آپ نے ”زعموا“ کے بارے میں رسول اللہ صلی اللہ علیہ وسلم کو کیا فرماتے سنا ہے؟ انہوں نے کہا: ”یہ آدمی کی بہت بری سوار کی ہے۔“ [مسند الشهاب/حدیث: 1336]
تخریج الحدیث: «صحيح، وأخرجه أبو داود فى «سننه» برقم: 4972، والبيهقي فى «سننه الكبير» برقم: 21228، وأحمد فى «مسنده» برقم: 17350، 23885، وابن أبى شيبة فى «مصنفه» برقم: 26307، والطحاوي فى «شرح مشكل الآثار» برقم: 185، 186، معرفة الصحابة لابي نعيم: 6271»
وضاحت: تشریح: -
”زعموا“ کا معنی ہے: لوگوں کا خیال ہے، لوگ کہتے ہیں۔ بعض لوگوں کی عادت ہوتی ہے کہ جب انہوں نے کسی بے بنیاد بات کو بیان کرنا ہوتا ہے تو یوں کہہ دیتے ہیں کہ لوگ یہ کہتے ہیں یا فلاں کے متعلق لوگوں کا یہ خیال ہے، وغیرہ وغیرہ۔ جھٹلائے جانے کے خوف سے کسی شخص کا نام لے کر تو کہا نہیں جاتا کہ یہ بات فلاں نے کہی ہے بلکہ لوگ کہتے ہیں یا بیان کیا جاتا ہے کہہ کر سنی سنائی اور بے اصل باتوں کو بلا تحقیق و تفتیش پھیلا دیتے ہیں۔ جس طرح سواری پر چڑھ کر آدمی اپنی منزل مقصود کی طرف روانہ ہوتا ہے اسی طرح اس انداز میں بات کر کے آدمی جدھر کو چاہے نکل جاتا ہے، اس وجہ سے آپ صلی اللہ علیہ وسلم نے اسے بری سواری کہا ہے اور ہمیں یہ نصیحت فرمائی ہے کہ نقل و بیان اور روایات و حکایات کے سلسلے میں پوری احتیاط ملحوظ رکھو اور کسی بات کو بلا تحقیق بیان نہ کرو۔
”زعموا“ کا معنی ہے: لوگوں کا خیال ہے، لوگ کہتے ہیں۔ بعض لوگوں کی عادت ہوتی ہے کہ جب انہوں نے کسی بے بنیاد بات کو بیان کرنا ہوتا ہے تو یوں کہہ دیتے ہیں کہ لوگ یہ کہتے ہیں یا فلاں کے متعلق لوگوں کا یہ خیال ہے، وغیرہ وغیرہ۔ جھٹلائے جانے کے خوف سے کسی شخص کا نام لے کر تو کہا نہیں جاتا کہ یہ بات فلاں نے کہی ہے بلکہ لوگ کہتے ہیں یا بیان کیا جاتا ہے کہہ کر سنی سنائی اور بے اصل باتوں کو بلا تحقیق و تفتیش پھیلا دیتے ہیں۔ جس طرح سواری پر چڑھ کر آدمی اپنی منزل مقصود کی طرف روانہ ہوتا ہے اسی طرح اس انداز میں بات کر کے آدمی جدھر کو چاہے نکل جاتا ہے، اس وجہ سے آپ صلی اللہ علیہ وسلم نے اسے بری سواری کہا ہے اور ہمیں یہ نصیحت فرمائی ہے کہ نقل و بیان اور روایات و حکایات کے سلسلے میں پوری احتیاط ملحوظ رکھو اور کسی بات کو بلا تحقیق بیان نہ کرو۔