         
 |
 |
الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔
مسند الشهاب
احادیث1401 سے 1499
899. اللَّهُمَّ حَسَّنْتَ خَلْقِي فَحَسِّنْ خُلُقِي
899. اے اللہ! تو نے میری صورت اچھی بنائی ہے تو میری سیرت بھی اچھی بنا دے
| حدیث نمبر: 1472 |
سیدنا ابومسعود رضی اللہ عنہ بدری کہتے ہیں کہ نبی صلی اللہ علیہ وسلم فرمایا کرتے تھے: ”اے اللہ! تو نے میری صورت اچھی بنائی ہے تو میری سیرت بھی اچھی بنا دے۔“ [مسند الشهاب/حدیث: 1472]
تخریج الحدیث: «إسناده حسن، وأخرجه مكارم الاخلاق للخرائطي: 9، عن ابي مسعود، أحمد: 4031، ابويعلي: 5075، ابن حبان: 959، عن ابن مسعود»
| حدیث نمبر: 1473 |
سیدنا ابن مسعود رضی اللہ عنہ کہتے ہیں کہ نبی صلی اللہ علیہ وسلم فرمایا کرتے تھے: ”اے اللہ! تو نے میری صورت اچھی بنائی ہے تو میری سیرت بھی اچھی بنا دے۔“ [مسند الشهاب/حدیث: 1473]
تخریج الحدیث: «إسناده حسن، وأخرجه مكارم الاخلاق للخرائطي: 9، عن ابي مسعود، أحمد: 4031، ابويعلي: 5075، ابن حبان: 959، عن ابن مسعود»
وضاحت: تشریح: -
اس سے معلوم ہوا کہ اللہ تعالیٰ نے بہترین صورت پر انسان کی تخلیق فرمائی ہے۔ قرآن میں ہے کہ ﴿لَقَدْ خَلَقْنَا الْإِنسَانَ فِي أَحْسَنِ تَقْوِيمٍ ﴾ (التین: 4) ”یقینا ہم نے انسان کو بہترین صورت میں پیدا فرمایا ہے۔“
ایک دوسرے مقام پر ہے کہ ﴿وَصَوَّرَكُمْ فَأَحْسَنَ صُوَرَكُمْ﴾ (التغابن: 3) ”اس نے تمہاری صورتیں بنائیں اور بہت اچھی بنا ئیں۔“
انسان خواہ کسی بھی رنگ و نقش کا ہو وہ دیگر مخلوقات سے بہتر بنایا گیا ہے اس لیے اسے چاہیے کہ اس پر اللہ تعالیٰ کا شکر ادا کرتا رہے جیسا کہ رسول اللہ صلی اللہ علیہ وسلم کیا کرتے تھے اور ساتھ ہی ایمان وایقان اور اچھے اوصاف وخصائل کے حصول کی بھی دعا کرتا رہے کیونکہ صورت جیسی بھی ہو کامیابی و نجات کا دارو مدار تو انہی خصائل پر ہے۔ علاوہ از یں جن روایات میں ہے کہ رسول اللہ صلی اللہ علیہ وسلم آئینہ دیکھتے وقت مذکورہ بالا دعا مانگا کرتے تھے، وہ ضعیف ہیں۔ (فقه الاسلام، ص: 848)
اس سے معلوم ہوا کہ اللہ تعالیٰ نے بہترین صورت پر انسان کی تخلیق فرمائی ہے۔ قرآن میں ہے کہ ﴿لَقَدْ خَلَقْنَا الْإِنسَانَ فِي أَحْسَنِ تَقْوِيمٍ ﴾ (التین: 4) ”یقینا ہم نے انسان کو بہترین صورت میں پیدا فرمایا ہے۔“
ایک دوسرے مقام پر ہے کہ ﴿وَصَوَّرَكُمْ فَأَحْسَنَ صُوَرَكُمْ﴾ (التغابن: 3) ”اس نے تمہاری صورتیں بنائیں اور بہت اچھی بنا ئیں۔“
انسان خواہ کسی بھی رنگ و نقش کا ہو وہ دیگر مخلوقات سے بہتر بنایا گیا ہے اس لیے اسے چاہیے کہ اس پر اللہ تعالیٰ کا شکر ادا کرتا رہے جیسا کہ رسول اللہ صلی اللہ علیہ وسلم کیا کرتے تھے اور ساتھ ہی ایمان وایقان اور اچھے اوصاف وخصائل کے حصول کی بھی دعا کرتا رہے کیونکہ صورت جیسی بھی ہو کامیابی و نجات کا دارو مدار تو انہی خصائل پر ہے۔ علاوہ از یں جن روایات میں ہے کہ رسول اللہ صلی اللہ علیہ وسلم آئینہ دیکھتے وقت مذکورہ بالا دعا مانگا کرتے تھے، وہ ضعیف ہیں۔ (فقه الاسلام، ص: 848)