         
 |
 |
الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔
موطا امام مالك رواية ابن القاسم
خوابوں کی تعبیر کے مسائل
1. اچھا خواب نبوت کا چھیالیسواں حصہ ہے
| حدیث نمبر: 618 |
اور اسی سند کے ساتھ (سیدنا انس رضی اللہ عنہ سے) روایت ہے کہ رسول اللہ صلی اللہ علیہ وسلم نے فرمایا: ”نیک آ دمی کا اچھا خواب نبوت کے چھیالیس حصوں میں سے ایک حصہ ہے ۔“ [موطا امام مالك رواية ابن القاسم/حدیث: 618]
تخریج الحدیث: «121- الموطأ (رواية يحييٰ بن يحييٰ 956/2 ح 1845، ك 52 ب 1 ح 1) التمهيد 279/1، الاستذكار: 1781، و أخرجه البخاري (6983) من حديث مالك به.»
قال الشيخ زبير على زئي: سنده صحيح
| حدیث نمبر: 619 |
سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم جب نماز فجر سے سلام پھیرتے تو فرماتے: ”کیا تم میں سے کسی نے آج رات کوئی خواب دیکھا ہے؟“ اور فرماتے: ”میرے بعد نبوت میں سے سوائے اچھے خوابوں کے کچھ باقی نہیں رہا ہے۔“ [موطا امام مالك رواية ابن القاسم/حدیث: 619]
تخریج الحدیث: «127- الموطأ (رواية يحييٰ بن يحييٰ 956/2، 957 ح 1847، ك 52 ب 1 ح 2) التمهيد 313/1، الاستذكار: 1783، و أخرجه أبوداود (5017) من حديث مالك به و صححه الحاكم (390/4، 391) ووافقه الذهبي.»
قال الشيخ زبير على زئي: سنده صحيح
| حدیث نمبر: 620 |
اور اسی سند کے ساتھ (سیدنا ابوہریرہ رضی اللہ عنہ سے) روایت ہے کہ رسول اللہ صلی اللہ علیہ وسلم سے اسی طرح کی حدیث ہے جس میں آیا ہے کہ رسول اللہ صلی اللہ علیہ وسلم نے فرمایا: ”نیک خواب (الخ)۔“ ابوالحسن (القابسی) نے کہا: یہ حدیث باب اسحاق میں گزر چکی ہے۔ (دیکھئیے ح ۱۲۱) اور باب ابن حبان میں ان کی وہ حدیث گزر چکی ہے جس میں آیا ہے کہ رسول اللہ صلی اللہ علیہ وسلم نے ملامسہ سے منع فرمایا ہے۔ (دیکھئیے ح ۹۹) [موطا امام مالك رواية ابن القاسم/حدیث: 620]
تخریج الحدیث: «375- الموطأ (رواية يحييٰي بن يحييٰي 956/2، ح 1846، ك 52 ب 1ح 1، ورواية ابي مصعب: 2010) التمهيد 9/18، الاستذكار: 1782، و أخرجه البيهقي فى معرفة السنن والآثار (579/7 ح 6163) من حديث الشافعي عن مالك به ورواه ابوعوانه فى مسنده من حديث ابي الزناد به (اتحاف المهرة 252/15 ح 19258)»
قال الشيخ زبير على زئي: سنده صحيح