سیدنا ابن عمر رضی اللہ عنہما سے روایت ہے کہ نبی صلی اللہ علیہ وسلم نے فرمایا: ”سوتے وقت اپنے گھروں میں آگ کو جلتا ہوا نہ چھوڑو۔“[الادب المفرد/كِتَابُ/حدیث: 1224]
تخریج الحدیث: «صحيح: أخرجه البخاري، كتاب الاستئذان: 6293 و مسلم: 2015 و أبوداؤد: 5246 و الترمذي: 1813 و ابن ماجه: 3769»
سیدنا عمر رضی اللہ عنہ نے فرمایا: بلاشبہ آگ دشمن ہے، لہٰذا اس سے بچو۔ چنانچہ سیدنا ابن عمر رضی اللہ عنہما اپنے گھر میں آگ کا خاص خیال رکھتے، اور سونے سے پہلے اسے بجھا دیتے۔ [الادب المفرد/كِتَابُ/حدیث: 1225]
تخریج الحدیث: «صحيح الإسناد موقوفًا: أخرجه أحمد: 5641 و القطيعي فى ”جزء الألف دينار“: 98 و أبوجعفر الرزاز فى جزء له: 197»
سيدنا ابن عمر رضی اللہ عنہما سے روایت ہے، انہوں نے نبی صلی اللہ علیہ وسلم کو فرماتے سنا: ”تم اپنے گھروں میں (رات کے وقت) آگ کو جلتا ہوا نہ چھوڑو، کیونکہ وہ دشمن ہے۔“[الادب المفرد/كِتَابُ/حدیث: 1226]
تخریج الحدیث: «صحيح: أخرجه أحمد: 5641 و أبوعوانه: 8170 و الحاكم: 317/4»
سیدنا ابوموسیٰ رضی اللہ عنہ سے روایت ہے، انہوں نے فرمایا: مدینہ طیبہ میں رات کو ایک گھر، اہلِ خانہ سمیت جل گیا۔ نبی صلی اللہ علیہ وسلم سے اس کا ذکر کیا گیا تو آپ صلی اللہ علیہ وسلم نے فرمایا: ”یہ آگ تمہاری دشمن ہے، لہٰذا جب تم سونے لگو تو اس کو بجھا دیا کرو۔“[الادب المفرد/كِتَابُ/حدیث: 1227]
تخریج الحدیث: «صحيح: أخرجه البخاري، كتاب الاستئذان: 6294 و مسلم: 2016 و ابن ماجه: 3770»