         
 |
 |
الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔
سنن دارمي
من كتاب النكاح
نکاح کے مسائل
3. باب النَّهْيِ عَنِ التَّبَتُّلِ:
3. تبتل (شادی نہ کرنے) کی ممانعت کا بیان
| حدیث نمبر: 2204 |
سیدنا سعد بن ابی وقاص رضی اللہ عنہ فرماتے ہیں نبی کریم صلی اللہ علیہ وسلم نے سیدنا عثمان بن مظعون رضی اللہ عنہ کو عورت سے الگ رہنے کی اجازت نہیں دی، اگر آپ صلی اللہ علیہ وسلم انہیں اس کی اجازت دے دیتے تو ہم بھی اپنے آپ کو خصی بنا لیتے. (تاکہ عورت کا خیال ہی نہ آئے)۔ [سنن دارمي/من كتاب النكاح/حدیث: 2204]
تخریج الحدیث: تحقيق الحديث: حسين سليم أسد الداراني: «إسناده صحيح والحديث متفق عليه، [مكتبه الشامله نمبر: 2213] »
اس روایت کی سند صحیح اور حدیث متفق علیہ ہے۔ دیکھئے: [بخاري 5074] ، [مسلم 1402] ، [ترمذي 1083] ، [ابن ماجه 1848] ، [أبويعلی 788] ، [ابن حبان 4027]
اس روایت کی سند صحیح اور حدیث متفق علیہ ہے۔ دیکھئے: [بخاري 5074] ، [مسلم 1402] ، [ترمذي 1083] ، [ابن ماجه 1848] ، [أبويعلی 788] ، [ابن حبان 4027]
وضاحت: (تشریح حدیث 2203)
تبتل سے مراد خواہشِ نفس کو مارنا اور عورت سے دور رہنا، اسی طرح عورت کا مرد سے دور رہنا ہے، اسی طرح خصی ہونا ہے۔
اسلام میں اس کی اجازت نہیں جسے لوگ فقیری اور قلندری کا نام دیتے ہیں اور تجرد کی زندگی اختیار کرتے ہیں، نصاریٰ بھی ایسا ہی کرتے تھے اور اس کو رہبانیت کا نام دیتے تھے، یعنی دنیا و عورت اور خواہشات سے ترکِ تعلق، لیکن اسلام اور پیغمبرِ اسلام نے کہا: «لا رهبانية فى الإسلام.» آج کے پیر فقیر اور راہب و عامل شادی نہ کرنے کا ڈھونگ رچا کر دوسروں کی بہو بیٹیوں اور بہنوں کی عزت پر ڈاکہ ڈالتے ہیں، عمل کے نام پر خلوت میں عورتوں سے استمتاع کرتے ہیں، اور اسلام کی تعلیمات سے روگردانی کرتے شریعت کی دھجیاں اڑاتے ہیں، بے شرع شیخ تھوکتا بھی نہیں، اندھیرے اجالے میں چوکتا بھی نہیں۔
اللہ تعالیٰ سب کو ایسے دین و ایمان کے لٹیروں سے بچائے۔
آمین۔
تبتل سے مراد خواہشِ نفس کو مارنا اور عورت سے دور رہنا، اسی طرح عورت کا مرد سے دور رہنا ہے، اسی طرح خصی ہونا ہے۔
اسلام میں اس کی اجازت نہیں جسے لوگ فقیری اور قلندری کا نام دیتے ہیں اور تجرد کی زندگی اختیار کرتے ہیں، نصاریٰ بھی ایسا ہی کرتے تھے اور اس کو رہبانیت کا نام دیتے تھے، یعنی دنیا و عورت اور خواہشات سے ترکِ تعلق، لیکن اسلام اور پیغمبرِ اسلام نے کہا: «لا رهبانية فى الإسلام.» آج کے پیر فقیر اور راہب و عامل شادی نہ کرنے کا ڈھونگ رچا کر دوسروں کی بہو بیٹیوں اور بہنوں کی عزت پر ڈاکہ ڈالتے ہیں، عمل کے نام پر خلوت میں عورتوں سے استمتاع کرتے ہیں، اور اسلام کی تعلیمات سے روگردانی کرتے شریعت کی دھجیاں اڑاتے ہیں، بے شرع شیخ تھوکتا بھی نہیں، اندھیرے اجالے میں چوکتا بھی نہیں۔
اللہ تعالیٰ سب کو ایسے دین و ایمان کے لٹیروں سے بچائے۔
آمین۔
| حدیث نمبر: 2205 |
سیدہ عائشہ رضی اللہ عنہا نے فرمایا: رسول اللہ صلی اللہ علیہ وسلم نے «تبتل» (عورت سے دور رہنے اور نکاح نہ کرنے) سے منع فرمایا۔ [سنن دارمي/من كتاب النكاح/حدیث: 2205]
تخریج الحدیث: تحقيق الحديث: حسين سليم أسد الداراني: «إسناده صحيح، [مكتبه الشامله نمبر: 2214] »
اس روایت کی سند صحیح ہے۔ دیکھئے: [ترمذي 1082] ، [نسائي 3216] ، [ابن ماجه 1849] ، [أحمد 157/5، وغيرهم]
اس روایت کی سند صحیح ہے۔ دیکھئے: [ترمذي 1082] ، [نسائي 3216] ، [ابن ماجه 1849] ، [أحمد 157/5، وغيرهم]
| حدیث نمبر: 2206 |
سیدنا سعد بن ابی وقاص رضی اللہ عنہ نے کہا: جب سیدنا عثمان بن مظعون رضی اللہ عنہ کا معاملہ پیش آیا جنہوں نے عورتوں سے ترک تعلق کر لیا تھا۔ رسول اللہ صلی اللہ علیہ وسلم نے ان کو بلایا اور فرمایا: ”اے عثمان! مجھے رہبانیت کا حکم نہیں دیا گیا ہے، کیا تم میری سنت سے بیزار ہو گئے؟“ عرض کیا: اے اللہ کے رسول! ایسا نہیں ہے، فرمایا: ”پھر میری سنت تو یہ ہے کہ (رات کو) نماز پڑھتا ہوں تو سوتا بھی ہوں، روزہ رکھتا ہوں تو (افطار بھی کرتا رہتا ہوں) کھاتا بھی ہوں، نکاح بھی کرتا ہوں اور طلاق بھی دیتا ہوں۔ پس جس نے میرے طریقے سے بےرغبتی کی وہ مجھ میں سے نہیں ہے۔“ سیدنا سعد رضی اللہ عنہ نے کہا: قسم اللہ کی صحابہ نے یہ تہیہ کر لیا تھا کہ اگر رسول الله صلی اللہ علیہ وسلم نے سیدنا عثمان رضی اللہ عنہ کو اس حالت پر برقرار رہنے کی اجازت دے دی تو ہم سب اپنے آپ کو خصی بنا لیتے اور (عورت سے) ترک تعلق کر لیتے۔ [سنن دارمي/من كتاب النكاح/حدیث: 2206]
تخریج الحدیث: تحقيق الحديث: حسين سليم أسد الداراني: «إسناده صحيح والحديث متفق عليه، [مكتبه الشامله نمبر: 2215] »
اس حدیث کی تخریج (2204) پرگذر چکی ہے اور یہ حدیث صحیح متفق علیہ ہے۔ دیکھئے: [بخاري 5063] ، [مسلم 1401]
اس حدیث کی تخریج (2204) پرگذر چکی ہے اور یہ حدیث صحیح متفق علیہ ہے۔ دیکھئے: [بخاري 5063] ، [مسلم 1401]
وضاحت: (تشریح احادیث 2204 سے 2206)
اس حدیث سے نکاح کی اہمیت و ضرورت معلوم ہوئی، اور جو اس سنّت پر عمل نہیں کرتا اور بطورِ اہانت سنّت کو چھوڑ دیتا ہے تو وہ امّتِ محمدیہ سے خارج ہے۔
یہ جملہ «فَمَنْ رَغِبَ عَنْ سُنَّتِيْ فَلَيْسَ مِنِّيْ.» جوامع الکلم میں سے ہے اور بدعات کے قلع قمع کے لئے کافی ہے، اور اتباعِ سنّت کے لئے دلیل و برہان ہے۔
سیدنا سعد بن ابی وقاص رضی اللہ عنہ کا آخر میں بیان بھی اس بات کی دلیل ہے کہ ہر کام میں سنّتِ رسول مقدم، اتباعِ رسول لازم ہے۔
صحابۂ کرام مستعد تھے کہ اگر عثمان بن مظعون کو خصی ہونے اور عورتوں سے ترکِ تعلق کی اجازت ملی تو ہم بھی ایسا ہی کریں گے، لیکن جب قولِ پیغمبر سامنے آیا تو سب نے اس کام سے توبہ کر لی اور اپنی رائے کو چھوڑ دیا۔
امام نووی رحمہ اللہ نے آدمی کا خصی کرنا حرام لکھا ہے خواہ بچپن میں ہو یا جوانی میں۔
امام بغوی رحمہ اللہ نے کہا: ایسے ہی جو جانور حرام ہیں ان کا خصی کرنا بھی حرام ہے، اور جو جانور حلال ہیں ان کا بچپن میں خصی کرنا جائز ہے اور بعد میں حرام ہے۔
مذکورہ بالا حدیث سے حقیقتِ اسلام پر روشنی پڑتی ہے جس میں رہبانیت کی بیخ کنی کی گئی ہے، اور جس سے ادیانِ عالم کے مقابلہ میں اسلام کا دینِ فطرت ہونا ظاہر ہوتا ہے۔
اسلام دنیا و دین ہر دو کی تعمیر چاہتا ہے، وہ غلط رہبانیت اور غلط طور پر ترکِ دنیا کا قائل نہیں ہے، ایک عالمگیر آخری دین کے لئے ان ہی اوصاف کا ہونا لابدی ہے اس لئے اسے ناسخِ ادیان قرار دے کر بنی نوع انسان کا آخری دین قرار دیا: «﴿إِنَّ الدِّينَ عِنْدَ اللّٰهِ الْإِسْلَامُ﴾ [آل عمران: 19] » ۔
اس حدیث سے پیغمبرِ اسلام محمد صلی اللہ علیہ وسلم کا انسان ہونا اور انسانوں کی طرح زندگی بسر کرنا بھی ثابت ہوا، کھانا، پینا، سونا، جاگنا، عبادت، معاملات، نکاح و طلاق سارے امور کی بجا آوری یہی ایک بندے کے اوصافِ جلیلہ ہیں۔
لیکن آپ صلی اللہ علیہ وسلم کا مرتبہ سارے انسانوں بلکہ تمام انبیاء و رسل سے بھی اعلیٰ و ارفع ہے۔
آیتِ شریفہ: «﴿قُلْ إِنَّمَا أَنَا بَشَرٌ مِثْلُكُمْ يُوحَى إِلَيَّ﴾ [الكهف: 110] » بھی اسی طرف دلالت اور رہنمائی کرتی ہے۔
واللہ اعلم۔
اس حدیث سے نکاح کی اہمیت و ضرورت معلوم ہوئی، اور جو اس سنّت پر عمل نہیں کرتا اور بطورِ اہانت سنّت کو چھوڑ دیتا ہے تو وہ امّتِ محمدیہ سے خارج ہے۔
یہ جملہ «فَمَنْ رَغِبَ عَنْ سُنَّتِيْ فَلَيْسَ مِنِّيْ.» جوامع الکلم میں سے ہے اور بدعات کے قلع قمع کے لئے کافی ہے، اور اتباعِ سنّت کے لئے دلیل و برہان ہے۔
سیدنا سعد بن ابی وقاص رضی اللہ عنہ کا آخر میں بیان بھی اس بات کی دلیل ہے کہ ہر کام میں سنّتِ رسول مقدم، اتباعِ رسول لازم ہے۔
صحابۂ کرام مستعد تھے کہ اگر عثمان بن مظعون کو خصی ہونے اور عورتوں سے ترکِ تعلق کی اجازت ملی تو ہم بھی ایسا ہی کریں گے، لیکن جب قولِ پیغمبر سامنے آیا تو سب نے اس کام سے توبہ کر لی اور اپنی رائے کو چھوڑ دیا۔
امام نووی رحمہ اللہ نے آدمی کا خصی کرنا حرام لکھا ہے خواہ بچپن میں ہو یا جوانی میں۔
امام بغوی رحمہ اللہ نے کہا: ایسے ہی جو جانور حرام ہیں ان کا خصی کرنا بھی حرام ہے، اور جو جانور حلال ہیں ان کا بچپن میں خصی کرنا جائز ہے اور بعد میں حرام ہے۔
مذکورہ بالا حدیث سے حقیقتِ اسلام پر روشنی پڑتی ہے جس میں رہبانیت کی بیخ کنی کی گئی ہے، اور جس سے ادیانِ عالم کے مقابلہ میں اسلام کا دینِ فطرت ہونا ظاہر ہوتا ہے۔
اسلام دنیا و دین ہر دو کی تعمیر چاہتا ہے، وہ غلط رہبانیت اور غلط طور پر ترکِ دنیا کا قائل نہیں ہے، ایک عالمگیر آخری دین کے لئے ان ہی اوصاف کا ہونا لابدی ہے اس لئے اسے ناسخِ ادیان قرار دے کر بنی نوع انسان کا آخری دین قرار دیا: «﴿إِنَّ الدِّينَ عِنْدَ اللّٰهِ الْإِسْلَامُ﴾ [آل عمران: 19] » ۔
اس حدیث سے پیغمبرِ اسلام محمد صلی اللہ علیہ وسلم کا انسان ہونا اور انسانوں کی طرح زندگی بسر کرنا بھی ثابت ہوا، کھانا، پینا، سونا، جاگنا، عبادت، معاملات، نکاح و طلاق سارے امور کی بجا آوری یہی ایک بندے کے اوصافِ جلیلہ ہیں۔
لیکن آپ صلی اللہ علیہ وسلم کا مرتبہ سارے انسانوں بلکہ تمام انبیاء و رسل سے بھی اعلیٰ و ارفع ہے۔
آیتِ شریفہ: «﴿قُلْ إِنَّمَا أَنَا بَشَرٌ مِثْلُكُمْ يُوحَى إِلَيَّ﴾ [الكهف: 110] » بھی اسی طرف دلالت اور رہنمائی کرتی ہے۔
واللہ اعلم۔