”اے اللہ! میرے دل میں نور بھر دے، اور میری زبان میں نور اور میری سماعت میں نور اور میری بصارت میں نور، میرے اوپر نور، میرے نیچے نور، میرے دائیں نور، میرے بائیں نور، میرے سامنے نور اور میرے پیچھے نور، اور میرے نفس میں نور، اور تو میرے نور کو زیادہ کرے اور مجھے بہت زیادہ نور عطا فرما، میرے لئے نور بنا اور مجھے نور بنا دے، اے اللہ مجھے نور عطا فرما، اور میرے پٹھوں میں نور بھر دے، میرے گوشت میں، میرے خون میں، میرے بالوں میں اور میری جلد میں نور بھر دے۔ اے اللہ میرے لئے میری قبر میں نور بھر دے، اور میری ہڈیوں میں نور بھر دے (اور مجھے مزید نور عطا فرما، مجھے مزید نور عطا فرما، مجھے مزید نور عطا فرما) اور مجھے نور ہی نور عطا فرما۔
یہ دعا مطلق ہے، اس کا مسجد جانے سے کوئی تعلق نہیں ہے۔“ [ صحيح بخاري:6316، صحيح مسلم:763، مسند احمد:343/1، والادب المفرد:695]
[مختصر حصن المسلم/متفرق/حدیث: 28]