         
 |
 |
الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔
معجم صغير للطبراني
کِتَابُ الْقِرَاءَاتِ
قرآءت کا بیان
3. سات قراءت میں قرآن نازل ہونے کا بیان
| حدیث نمبر: 1076 |
سیدنا ابن عباس رضی اللہ عنہما کہتے ہیں رسول اللہ صلی اللہ علیہ وسلم نے فرمایا: ”مجھے جبریل علیہ السلام نے ایک حرف پڑھایا تو میں اس سے زیادہ کی رعایت مانگتا رہا تو وہ دیتے رہے یہاں تک کہ سات لغات تک پہنچ گئے۔“ زہری کہتے ہیں: سات لغات سے مراد یہ امر ہے جبکہ وہ ایک ہی معنی میں رہے، حلال اور حرام میں کوئی تبدیلی نہیں ہوتی ہو۔ [معجم صغير للطبراني/کِتَابُ الْقِرَاءَاتِ/حدیث: 1076]
تخریج الحدیث: «صحيح، وأخرجه البخاري فى «صحيحه» برقم: 3219، 4991، ومسلم فى «صحيحه» برقم: 819، والبيهقي فى «سننه الكبير» برقم: 4059، وأحمد فى «مسنده» برقم: 2412، والطبراني فى «الأوسط» برقم: 1792، والطبراني فى «الصغير» برقم: 88، وعبد الرزاق فى «مصنفه» برقم: 20370»
| حدیث نمبر: 1077 |
سیدنا ابی بن کعب رضی اللہ عنہ سے روایت ہے کہ نبی کریم صلی اللہ علیہ وسلم نے فرمایا: ”جبریل علیہ السلام نے کہا کہ قرآن کو سات طریق پر پڑھو۔“ [معجم صغير للطبراني/کِتَابُ الْقِرَاءَاتِ/حدیث: 1077]
تخریج الحدیث: «صحيح، أخرجه مسلم فى «صحيحه» برقم: 820، 821، وابن حبان فى «صحيحه» برقم: 737، والنسائي فى «المجتبیٰ» برقم: 938، 939، 940، والنسائي فى «الكبریٰ» برقم: 1013، وأبو داود فى «سننه» برقم: 1477، 1478، والبيهقي فى «سننه الكبير» برقم: 4056، وأحمد فى «مسنده» برقم: 21478، والطبراني فى «الكبير» برقم: 535، والطبراني فى «الأوسط» برقم: 1044، 5250، والطبراني فى «الصغير» برقم: 105، وابن أبى شيبة فى «مصنفه» برقم: 30744»