         
 |
 |
الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔
سنن ابي داود
كِتَاب الطَّهَارَةِ
کتاب: طہارت کے مسائل
64. باب فِي الاِنْتِضَاحِ
64. باب: وضو کے بعد شرمگاہ (ستر) پر پانی چھڑکنے کا بیان۔
| حدیث نمبر: 166 |
سفیان بن حکم ثقفی یا حکم بن سفیان ثقفی رضی اللہ عنہ کہتے ہیں کہ رسول اللہ صلی اللہ علیہ وسلم جب پیشاب کرتے تو وضو کرتے، اور (وضو کے بعد) شرمگاہ پر (تھوڑا) پانی چھڑک لیتے۔ [سنن ابي داود/كِتَاب الطَّهَارَةِ/حدیث: 166]
تخریج الحدیث: «سنن النسائی/الطھارة 102 (134)، سنن ابن ماجہ/الطھارة 58 (461)، (تحفة الأشراف: 3420)، وقد أخرجہ: مسند احمد (4/179) (صحیح)»
قال الشيخ الألباني: صحيح
قال الشيخ زبير على زئي: حسن¤ مشكوة المصابيح (361)¤ سفيان الثوري عنعن بل تابعه شعبه في السنن النسائي (134) وجرير في المسند الامام احمد (24/ 104 ح 15384) وغيره / [معاذ]، وقال ابي الشيخ زبير عليزئي: ’’شيخ مجاهد اختلف في صبحته فحديثه لاينزل عن درجة الحسن، وانظر التلخيص الحبير (1/ 74)‘‘
| حدیث نمبر: 167 |
ثقیف کے ایک شخص اپنے والد سے روایت کرتے ہیں، ان کے والد کہتے ہیں کہ میں نے رسول اللہ صلی اللہ علیہ وسلم کو دیکھا کہ آپ نے پیشاب کیا، پھر اپنی شرمگاہ پر پانی چھڑکا۔ [سنن ابي داود/كِتَاب الطَّهَارَةِ/حدیث: 167]
تخریج الحدیث: «انظر ما قبله، (تحفة الأشراف: 3420) (صحیح)»
قال الشيخ الألباني: صحيح
قال الشيخ زبير على زئي: حسن¤ فيه رجل مجهول، وانظر الحديث السابق
| حدیث نمبر: 168 |
حکم یا ابن حکم اپنے والد سے روایت کرتے ہیں کہ رسول اللہ صلی اللہ علیہ وسلم نے پیشاب کیا، پھر وضو کیا، اور اپنی شرمگاہ پر پانی چھڑکا ۱؎۔ [سنن ابي داود/كِتَاب الطَّهَارَةِ/حدیث: 168]
تخریج الحدیث: «انظر ما قبله، (تحفة الأشراف: 3420) (صحیح)»
وضاحت: ۱؎: وضو کے بعد تھوڑا سا پانی پاجامہ کی میانی پر چھڑک لے، تاکہ وہاں پیشاب کا قطرہ ہونے کا وسوسہ ختم ہو جائے، یہ وسوسہ دور کرنے کی عمدہ تدبیر ہے جو رسول اللہ صلی اللہ علیہ وسلم نے اپنی امت کو سکھلائی ہے۔
قال الشيخ الألباني: صحيح
قال الشيخ زبير على زئي: حسن¤ انظر الحديث السابقين