         
 |
 |
الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔
مسند الشهاب
احادیث201 سے 400
160. الصَّوْمُ فِي الشِّتَاءِ الْغَنِيمَةُ الْبَارِدَةُ
160. سردی کے موسم میں روزہ ٹھنڈی غنیمت ہے
| حدیث نمبر: 231 |
سیدنا ابن مسعود رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”سردی کے موسم میں روزہ ٹھنڈی غنیمت ہے۔“ [مسند الشهاب/حدیث: 231]
تخریج الحدیث: «إسناده ضعيف، وأخرجه ترمذي: 797، وأحمد 4/ 335» سفیان ثوری اور ابواسحاق مدلس راویوں کا عنعنہ ہے۔ اس میں ایک اور بھی مات ہے۔
161. السِّوَاكُ يَزِيدُ الرَّجُلَ فَصَاحَةً
161. مسواک کرنے سے آدمی کی فصاحت میں اضافہ ہوتا ہے
| حدیث نمبر: 232 |
سیدنا ابوہریرہ رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”مسواک کرنے سے آدمی کی فصاحت میں اضافہ ہوتا ہے۔“ [مسند الشهاب/حدیث: 232]
تخریج الحدیث: «إسناده ضعيف، وأخرجه ابن الاعرابي: 1269، والضعفاء للعقيلي: 3/ 901» عمروبن دینار اور سنان بن ابی سنان مجہول جبکہ معلیٰ بن میمون ضعیف ہے۔
162. جَمَالُ الرَّجُلِ فَصَاحَةُ لِسَانِهِ
162. آدمی کی خوبصورتی اس کی زبان کی فصاحت میں ہے۔
| حدیث نمبر: 233 |
سیدنا جابر رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”آدمی کی خوبصورتی اس کی زبان کی فصاحت میں ہے۔“ [مسند الشهاب/حدیث: 233]
تخریج الحدیث: موضوع، أحمد بن عبد الرحمٰن بن جارود کذاب ہے۔
163. الْإِمَامُ ضَامِنٌ وَالْمُؤَذِّنُ مُؤْتَمَنٌ
163. امام ذمہ دار ہے اور مؤذن امانت دار ہے
| حدیث نمبر: 234 |
یدنا ابوہریرہ رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”امام (نماز) کا ذمہ دار ہے اور موذن (وقت نماز کا) امانت دار ہے۔ اے اللہ! آئمہ کو ہدایت فرما اور موذنوں کو بخش دے۔“ [مسند الشهاب/حدیث: 234]
تخریج الحدیث: «إسناده حسن، وأخرجه أبو داود: 517، وترمذي: 207، وأحمد:561/2»
164. الْمُؤَذِّنُونَ أَطْوَلُ النَّاسِ أَعْنَاقًا يَوْمَ الْقِيَامَةِ
164. قیامت کے دن مؤذن حضرات کی گردنیں سب سے لمبی ہوں گی
| حدیث نمبر: 235 |
سیدنا انس رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”قیامت کے دن مؤذن حضرات کی گردنیں سب سے لمبی ہوں گی۔“ [مسند الشهاب/حدیث: 235]
تخریج الحدیث: «إسناده ضعيف، وأخرجه أحمد: 3/ 264» سیدنا انس رضی اللہ عنہ سے روایت کرنے والا مجہول ہے۔
165. شَفَاعَتِي لِأَهْلِ الْكَبَائِرِ مِنْ أُمَّتِي
165. میری سفارش میری امت کے کبیرہ گناہوں کے مرتکب افراد کے لیے ہے
| حدیث نمبر: 236 |
سیدنا انس رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”میری سفارش میری امت کے کبیرہ گناہوں کے مرتکب افراد کے لیے ہے۔“ [مسند الشهاب/حدیث: 236]
تخریج الحدیث: «إسناده صحيح، وأخرجه أبو داود: 4739، وأحمد: 21330»
| حدیث نمبر: 237 |
میں نے قاضی ابوعبد اللہ محمد بن سلامہ کو سنا، وہ اللہ کی قسم کھاکر کہہ رہے تھے کہ میں نے ابوالعباس أحمد بن حسین کو سنا، وہ اللہ کی قسم کھا کر کہہ رہے تھے کہ میں نے ابوالحسن أحمد بن عبدالرحمن بن برد کو سنا، وہ اللہ کی قسم کھا رہے تھے کہ میں نے ا بن نفیس کو سنا، وہ اللہ کی قسم کھا رہے تھے کہ میں نے علی بن محمد بن اسماعیل کو سنا، وہ اللہ کی قسم کھا رہے تھے کہ میں نے ہدبہ بن خالد کو سنا، وہ اللہ کی قسم کھا رہے تھے کہ میں نے ابوجناب قصاب کو سنا، وہ اللہ کی قسم کھا رہے تھے کہ میں نے زیاد النمیری کو سنا، وہ اللہ کی قسم کھا رہے تھے کہ میں نے سیدنا انس بن مالک رضی اللہ عنہ کو سنا، وہ اللہ کی قسم کھا رہے تھے کہ میں نے رسول الله صلی اللہ علیہ وسلم کو یہ فرماتے سنا: ”میری سفارش میری امت کے کبیرہ گناہوں کے مرتکب افراد کے لیے ہے۔“ [مسند الشهاب/حدیث: 237]
تخریج الحدیث: إسناده ضعیف، زیاد النمیر ی ضعیف ہے، اس میں اور بھی علتیں ہیں۔
166. الْأَنْصَارُ كَرِشِي وَعَيْبَتِي
166. انصار میرے مخلص ساتھی اور ہم راز ہیں
| حدیث نمبر: 238 |
سیدنا انس رضی اللہ عنہ سے مروی ہے کہ بے شک نبی صلی اللہ علیہ وسلم نے فرمایا: ”انصار میرے مخلص ساتھی اور ہم راز ہیں۔“ [مسند الشهاب/حدیث: 238]
تخریج الحدیث: «إسناده صحيح، وأخرجه البخاري: 3801، ومسلم 2510، وترمذي: 3907،»
167. يَدُ اللَّهِ عَلَى الْجَمَاعَةِ
167. جماعت پر اللہ کا ہاتھ ہے
| حدیث نمبر: 239 |
سیدنا عبد الله بن عباس رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”جماعت پر اللہ کا ہاتھ ہے۔“ [مسند الشهاب/حدیث: 239]
تخریج الحدیث: «إسناده صحيح، وأخرجه ترمذي: 2166، وحاكم: 1/ 116»
168. الصَّمْتُ حُكْمٌ وَقَلِيلٌ فَاعِلُهُ
168. خاموشی حکمت ہے اور اسے کرنے والے بہت کم ہیں
| حدیث نمبر: 240 |
سیدنا انس بن مالک رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”خاموشی حکمت ہے اور اسے کرنے والے بہت کم ہیں۔“ [مسند الشهاب/حدیث: 240]
تخریج الحدیث: «إسناده ضعيف، وأخرجه شعب الايمان: 4672» زکریا بن یحیی منقری ضعیف ہے، اس میں اور بھی علتیں ہیں۔ ا «لسلسلة الضعيفة: 2424»