         
 |
 |
الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔
مسند اسحاق بن راهويه
كتاب الهبة و فضلها
ہبہ اور اس کی فضیلت کا بیان
1. عمریٰ (مدتِ عمر تک کسی چیز کا ہبہ کرنا) کا بیان
| حدیث نمبر: 484 |
سیدنا ابوہریرہ رضی اللہ عنہ نے رسول اللہ صلی اللہ علیہ وسلم سے روایت کیا، آپ صلی اللہ علیہ وسلم نے فرمایا: ”عمریٰ (کسی شخص کو اس کی مدت عمر تک کوئی چیز ہبہ کرنا) اس کے اہل کی میراث ہے۔ یا اس کے اہل کے لیے جائز ہے۔“ [مسند اسحاق بن راهويه/كتاب الهبة و فضلها/حدیث: 484]
تخریج الحدیث: «مسلم، كتاب الهبات، باب العمري، رقم: 1262 . سنن ابوداود، رقم: 3548 . سنن ترمذي، رقم: 1349 .»
| حدیث نمبر: 485 |
شریح نے بیان کیا: رسول اللہ صلی اللہ علیہ وسلم نے عمریٰ کے بارے فیصلہ فرمایا کہ وہ جائز ہے۔ [مسند اسحاق بن راهويه/كتاب الهبة و فضلها/حدیث: 485]
تخریج الحدیث: «السابق»
| حدیث نمبر: 486 |
سیدنا ابوہریرہ رضی اللہ عنہ نے رسول اللہ صلی اللہ علیہ وسلم سے روایت کیا، آپ صلی اللہ علیہ وسلم نے فرمایا: ”عمری جائز ہے۔“ [مسند اسحاق بن راهويه/كتاب الهبة و فضلها/حدیث: 486]
تخریج الحدیث: «السابق»
| حدیث نمبر: 487 |
قتادہ رحمہ اللہ نے بیان کیا، حسن رحمہ اللہ کہا: کرتے تھے: عمریٰ جائز ہے۔ [مسند اسحاق بن راهويه/كتاب الهبة و فضلها/حدیث: 487]
تخریج الحدیث: «سنن نسائي، كتاب العمري، باب ذكر اختلاف يحيي بن ابي كثير الخ، رقم: 3755، قال الشيخ الالباني: صحيح . نسائي كبري، رقم: 6588 .»
| حدیث نمبر: 488 |
زہری رحمہ الله نے فرمایا: عمریٰ یہ ہے کہ وہ کہے کہ یہ اس کے لیے ہے اور اس کے بعد اس کی اولاد کے لیے ہے، پس اس کے لیے ہے جو اس کی شرط مقرر کرتا ہے۔ [مسند اسحاق بن راهويه/كتاب الهبة و فضلها/حدیث: 488]
تخریج الحدیث: «السابق»
| حدیث نمبر: 489 |
سیدنا جابر بن عبداللہ رضی اللہ عنہ نے رسول اللہ صلی اللہ علیہ وسلم سے روایت کیا، آپ صلی اللہ علیہ وسلم نے فرمایا: ”عمریٰ جائز ہے۔“ [مسند اسحاق بن راهويه/كتاب الهبة و فضلها/حدیث: 489]
تخریج الحدیث: «مسلم، رقم: 1626 . سنن ابي داود، رقم: 3548 . سنن ترمذي، رقم: 1349 .»
| حدیث نمبر: 490 |
زہری رحمہ الله نے فرمایا: خلفاء اس کا فیصلہ کیا کرتے تھے۔ عطاء رحمہ اللہ نے فرمایا: عبدالملک بن مروان نے اس کا فیصلہ کیا۔ [مسند اسحاق بن راهويه/كتاب الهبة و فضلها/حدیث: 490]
تخریج الحدیث: «سنن نسائي، رقم: 3755، قال الالباني: صحيح . سنن نسائي، رقم: 6588 .»
| حدیث نمبر: 491 |
سیدنا جابر بن عبداللہ رضی اللہ عنہ نے رسول اللہ صلی اللہ علیہ وسلم سے روایت کیا، آپ صلی اللہ علیہ وسلم نے فرمایا: ”عمریٰ جائز ہے۔“ [مسند اسحاق بن راهويه/كتاب الهبة و فضلها/حدیث: 491]
تخریج الحدیث: «تقدم تخريجه: 106 .»
2. بغیر سوال کیے کوئی چیز ملے تو قبول کرلے
| حدیث نمبر: 492 |
سیدنا ابوہریرہ رضی اللہ عنہ نے رسول اللہ صلی اللہ علیہ وسلم سے روایت کیا، آپ صلی اللہ علیہ وسلم نے فرمایا: ”جس شخص کو سوال کیے بغیر کوئی چیز پیش کی جائے اور وہ اسے قبول کر لے، تو وہ ایک رزق ہے جو اللہ نے اس کی طرف بھیجا ہے۔“ [مسند اسحاق بن راهويه/كتاب الهبة و فضلها/حدیث: 492]
تخریج الحدیث: «مسند احمد: 292/2 . قال شعيب الارناوط: صحيح لغيره . مسند ابي يعلي: 226/2 .»
3. دعوت قبول کرنے کا بیان
| حدیث نمبر: 493 |
سیدنا ابوہریرہ رضی اللہ عنہ نے رسول اللہ صلی اللہ علیہ وسلم سے روایت کیا، آپ صلی اللہ علیہ وسلم نے فرمایا: ”اگر مجھے دستی کا ہدیہ کیا جائے تو میں قبول کروں گا، اور اگر مجھے پائے کی دعوت پر بلایا جائے تو میں اس دعوت کو بھی قبول کروں گا۔“ [مسند اسحاق بن راهويه/كتاب الهبة و فضلها/حدیث: 493]
تخریج الحدیث: «بخاري، كتاب الهبه، باب القليل من الهبة، رقم: 2568 . سنن ترمذي، ابواب الاحكام، باب قبول الهدية الخ، رقم: 1338 . مسند احمد: 424/2 . صحيح ابن حبان، رقم: 5291 .»