10. پھاڑ کر کھانے والا ہر درندہ حرام ہے۔
سیدنا ابوثعلبہ رضی اللہ عنہ سے روایت ہے کہ رسول اللہ صلی اللہ علیہ وسلم نے پھاڑ کر کھانے والے ہر درندے کا گوشت کھانے سے منع فرمایا ہے۔ [مختصر صحيح بخاري/حدیث: 1925]
سیدنا ابوموسیٰ رضی اللہ عنہ سے روایت کرتے ہیں کہ آپ صلی اللہ علیہ وسلم نے فرمایا: ”نیک دوست اور برے دوست کی مثال خوشبو والے اور لوہار، بھٹی دھونکنے والے کی سی ہے کیونکہ خوشبو والا یا تو خود کچھ عطا کر دے گا یا تو یہ خرید لے گاور نہ عمدہ خوشبو تو (ضرور ہی) سونگھ لے گا (ایسے ہی نیک کی صحبت میں ہر طرح فائدہ ہے) اور بھٹی دھونکنے والا لوہار، یا تو (آگ اڑا کر) تیرے کپڑے جلا دے گا، اگر نہیں تو تم بدبو ضرور سونگھو گے۔ [مختصر صحيح بخاري/حدیث: 1926]
12. (جانوروں کا) چہرہ داغ کر نشان لگانے کا بیان۔
سیدنا ابن عمر رضی اللہ عنہما کہتے ہیں کہ نبی کریم صلی اللہ علیہ وسلم نے چہرہ پر مارنے سے منع فرمایا ہے۔ [مختصر صحيح بخاري/حدیث: 1927]