         
 |
 |
الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔
مسند اسحاق بن راهويه
كتاب اللباس و الزينة
لباس اور زینت اختیار کرنے کا بیان
4. ریشم اور سونا مردوں کے لیے حرام ہے
| حدیث نمبر: 698 |
سیدنا ابوہریرہ رضی اللہ عنہ نے بیان کیا: رسول اللہ صلی اللہ علیہ وسلم نے ریشم (پہننے) سے سختی کے ساتھ منع فرمایا ہے، ایک آدمی نے عبداللہ بن شقیق سے کہا: یہ آپ نے بھی تو ریشم پہن رکھا ہے، انہوں نے فرمایا: سبحان اللہ! یہ ریشم نہیں، اس نے کہا: اس کا تانا ریشم کا ہے، عبداللہ بن شقیق نے کہا: مجھے پتہ نہیں چلا۔ [مسند اسحاق بن راهويه/كتاب اللباس و الزينة/حدیث: 698]
تخریج الحدیث: «لم اجدة لكن اسنادة صحيح .»
| حدیث نمبر: 699 |
سیدنا ابوہریرہ رضی اللہ عنہ نے بیان کیا، رسول اللہ صلی اللہ علیہ وسلم نے سونے کی انگوٹھی سے منع فرمایا ہے۔ [مسند اسحاق بن راهويه/كتاب اللباس و الزينة/حدیث: 699]
تخریج الحدیث: «بخاري، كتاب اللباس، باب خواتيم الذهب، رقم: 5864 . مسلم، كتاب اللباس والزينة، باب تحريم خاتم الذهب الخ، رقم: 2089 . صحيح ابن حبان، رقم: 5487 . مسند احمد: 468/2 .»
5. جسم پر گودنے اور گدوانے کی ممانعت
| حدیث نمبر: 700 |
سیدنا ابوہریرہ رضی اللہ عنہ نے بیان کیا: سیدنا عمر رضی اللہ عنہ کے پاس ایک عورت لائی گئی جو کہ گودنے کا کام کرتی تھی، انہوں نے فرمایا: میں تمہیں اللہ کی قسم دیتا ہوں، کیا تم میں سے کسی نے رسول اللہ صلی اللہ علیہ وسلم سے (اس کے متعلق) سنا ہے؟ سیدنا ابوہریرہ رضی اللہ عنہ نے بیان کیا کہ میں کھڑا ہوا تو عرض کیا: امیر المؤمنین! میں نے آپ صلی اللہ علیہ وسلم کو سنا ہے، انہوں نے فرمایا: تم نے آپ صلی اللہ علیہ وسلم سے کیا سنا ہے؟ میں نے کہا: میں نے آپ صلی اللہ علیہ وسلم کو فرماتے ہوئے سنا: ”تم نہ گودنے کا کام کرو، اور نہ گدواؤ۔“ (سوئی کے ساتھ جسم پر نشان لگا کر رنگ بھرنا)۔ [مسند اسحاق بن راهويه/كتاب اللباس و الزينة/حدیث: 700]
تخریج الحدیث: «بخاري، كتاب اللباس، باب المستوشمة، رقم: 5946 . سنن نسائي، كتاب الزينة، باب الموتژمات الخ، رقم: 5106 .»
6. سونے کے زیور کا بیان
| حدیث نمبر: 701 |
سیدنا ابوہریرہ رضی اللہ عنہ نے بیان کیا: میں نبی کریم صلی اللہ علیہ وسلم کے پاس تھا کہ ایک عورت آپ کے پاس آئی، اس نے عرض کیا: اللہ کے رسول! سونے کے دو کنگن ہیں؟ رسول اللہ صلی اللہ علیہ وسلم نے فرمایا: ”آگ کے دو کنگن ہیں۔“ اس نے عرض کیا: اللہ کے رسول! سونے کی دو بالیاں ہیں؟ رسول اللہ صلی اللہ علیہ وسلم نے فرمایا: ”آگ کی دو بالیاں ہیں۔“ اس نے عرض کیا: اللہ کے رسول! اگر عورت اپنے شوہر کے لیے زیب و زیبائش نہ کرے تو وہ اپنے شوہر کے ہاں ناپسندیدہ ہو جائے گی، تو رسول اللہ صلی اللہ علیہ وسلم نے فرمایا: ”تمہیں کس نے منع کیا ہے کہ تم چاندی کی بالیاں بنا لو اور عبیر (مرکب خوشبو) یا زعفران کے ساتھ انہیں زرد رنگ چڑھا لو تو وہ سونے کی طرح ہو جائیں گی۔“ [مسند اسحاق بن راهويه/كتاب اللباس و الزينة/حدیث: 701]
تخریج الحدیث: «سنن نسائي، كتاب الزينة، باب الكراهية للنساء الخ، رقم: 5142 . مسند احمد: 440/2 . قال الشيخ الالباني وشعيب الارناوط: اسناده ضعيف .»
7. جس جگہ گھنٹی ہو وہاں رحمت کے فرشتے نہیں آتے
| حدیث نمبر: 702 |
سیدنا ابوہریرہ رضی اللہ عنہ نے رسول اللہ صلی اللہ علیہ وسلم روایت کیا، آپ صلی اللہ علیہ وسلم نے فرمایا: ”جس قافلے میں گھنٹی ہو، وہ رحمت کے فرشتوں کی رفاقت سے محروم ہوتا ہے۔“ [مسند اسحاق بن راهويه/كتاب اللباس و الزينة/حدیث: 702]
تخریج الحدیث: «مسلم، كتاب اللباس، باب كراهة الكلب والجرس فى السفر، رقم: 2113 . سنن ابوداود، كتاب الجهاد، باب فى تعليق الاجراس، رقم: 2555 . سنن ترمذي: 1703 . مسند احمد: 414/2 .»
8. ہدیہ کا جواب دینا
| حدیث نمبر: 703 |
سیدہ ربیع بنت معوذ بن عفراء رضی اللہ عنہا نے فرمایا: میں تازہ کھجوروں کا ایک طباق رسول اللہ صلی اللہ علیہ وسلم کی خدمت میں لے کر آئی اور آپ کو چھوٹی چھوٹی ککڑیوں جن پر خفیف سا رواں تھا، ہدیہ کی گئیں، تو آپ صلی اللہ علیہ وسلم نے میرے ہاتھ میں سونے کا زیور رکھ دیا اور فرمایا: ”اسے پہن لینا۔“ [مسند اسحاق بن راهويه/كتاب اللباس و الزينة/حدیث: 703]
تخریج الحدیث: «مسند احمد: 359/6 . قال شعيب الارناوط: اسناده ضعيف .»
9. حجاب کی ترغیب
| حدیث نمبر: 704 |
مجاہد رحمہ اللہ سے روایت ہے کہ رسول اللہ صلی اللہ علیہ وسلم نے فرمایا: ”ام ایمن! اپنی اوڑھنی / آنچل ہم سے چھپا کر رکھیں۔“ [مسند اسحاق بن راهويه/كتاب اللباس و الزينة/حدیث: 704]
تخریج الحدیث: «مجمع الزوائد: 81/9 باب وفاة عمر رضى الله عنه .»
10. سونے کے کنگن کا بیان
| حدیث نمبر: 705 |
سیدہ اسماء بنت یزید السکن رضی اللہ عنہا نے بیان کیا: رسول اللہ صلی اللہ علیہ وسلم نے ایک عورت کو سونے کے دو کنگن پہنے ہوئے دیکھا تو اسے فرمایا: ”کیا تمہیں پسند ہے کہ اللہ تمہیں آگ کے دو کنگن پہنائے؟“ پس اس نے وہ پھینک دیئے اور پھر ہم نے اس کے بعد انہیں نہ دیکھا۔ [مسند اسحاق بن راهويه/كتاب اللباس و الزينة/حدیث: 705]
تخریج الحدیث: «انظر: 579 .»
11. قمیص کی آستین کی لمبائی کی حد
| حدیث نمبر: 706 |
سیدہ اسماء بنت یزید رضی اللہ عنہا نے فرمایا: رسول اللہ صلی اللہ علیہ وسلم کے آستین کلائی تک تھے۔ [مسند اسحاق بن راهويه/كتاب اللباس و الزينة/حدیث: 706]
تخریج الحدیث: «سنن ابوادود، كتاب اللباس، باب ماجاء فى القميص، رقم: 4027 قال الباني: ضعيف . سنن ترمذي، ابواب اللباس، باب ماجاء فى القميص، رقم: 1765 .»
| حدیث نمبر: 707 |
ابوصالح نے سلمان سے اسی مثل روایت کیا ہے۔ [مسند اسحاق بن راهويه/كتاب اللباس و الزينة/حدیث: 707]
تخریج الحدیث: «السابق»