”الرَّود“ سے مشتق ہے اور ”اَرْوَدُ“ کا مصدر مصغر ہے۔ کہتے ہیں: ”امش على الرود.“ آہستہ چلو اور ”سَارُوْا سَيْراً رُوَيْداً .“ وہ نرمی سے اور آہستہ آہستہ چلے اور ”اَرْوَدْ“ بمعنی اپنے کام میں آہستگی کرنے والا نیز کہتے ہیں۔ ”الدَّهْرُ اَوْرَدْ ذُوْ غِيْرٍ“ یعنی زمانہ چپکے چپکے کام کرتا رہتا ہے۔ پتا نہیں لگنے دیتا۔ نیز کہتے ہیں ”رُوَيْدَ زَيْداً“ مہلت دو۔ گویا ”رُوَيْد“ کا مفہوم آہستہ آہستہ اور چپکے چپکے رسی دراز کرتے جانا یا تھوڑی تھوڑی مہلت دیتے جانا ہے۔

اتنی نرم اور آہستہ چلنے والی ہوا جو کسی چیز کو نہ ہلائے ہوا کا نرمی سے دھیرے دھیرے چلنا۔

دھیمی دھیمی چلنے والی راحت بخش ہوا العرْف بمعنی بُو۔ اکثر اس کا استعمال خوشبو کے لئے ہوتا ہے اور ایسی ہوائیں عموماً دھیمی رفتار سے چلتی ہیں۔ جیسے نسیم سحر۔

معنی آسانی اور سہولت اور اس کی ضد عُسْر تنگی ہے اور یُسْراً کا لفظ اس حالت کو بھی ظاہر کرتا ہے جب کوئی کام آسانی اور سہولت کے ساتھ بلاتکلف سرانجام دیا جائے اور اس میں کسی قسم کا جھول واقع نہ ہو۔

سیڑھی کے زینہ کو کہتے ہیں جبکہ اوپر کو چڑھا جائے اور اس کے معنی آہستہ آہستہ اور بتدریج کے ایک چیز کو دوسری چیز کے قریب کرنے کے ہیں تاکہ اسے کچھ معلوم نہ ہو سکے گویا استدراج میں تدریج اور آہستگی دو چیزوں کی رعایت ضروری ہوتی ہے۔

دَلْوٌ کے معنی ایسا ڈول ہے جو پانی سے خالی ہو اور اَدْلٰی کے معنی خالی ڈھول کو پانی سے بھرنے کے لیے کنویں میں لٹکانا ہے جو آہستہ آہستہ پانی تک پہنچ جاتا ہے اور دَلّٰی کے معنی آہستہ آہستہ کسی کام کو سر انجام دینے اور مقصد تک پہنچنے کے ہیں۔