اذن بمعنی (اجازت یا منظوری) سے مشتق ہے۔ اِسْتَأْذَنَ بمعنی منظوری حاصل کرنا کسی کام کے لیے اجازت چاہنا اور اِسْتَأْذَنَ عَلَیْه بمعنی اندر آنے کی اجازت طلب کرنا۔

اٰنَسَ بمعنی کسی چیز کو دیکھنا اور اس کو جاننا اٰنس الصوت بمعنی آواز سن لینا ، اٰنس النار بمعنی آگ دیکھنا۔ اسی سے اِسْتَأْنَسَ مشتق ہے۔ بمعنی موانست پیدا کرنا ۔ اپنے قول و فعل کے ذریعے دوسرے کو اپنے سے متعارف کرنا۔ مثلاً کوئی شخص دروازے پر کھڑا ہوکر صاحب خانہ کو آواز دیتا ہے یا کھانستا ہے تو اس آواز یا کھانسنے کے عمل سے صاحب خانہ کو معلوم ہو جاتا ہے کہ دروازے پر فلاں شخص ہے تو اِسْتَأْنَسَ کا مفہوم پورا ہو گیا۔