اس کا مادہ قرر ہے بمعنی کسی جگہ جم کر ٹھہرنا۔ قرار پکڑنا اور اَقْرَرَ کے معنی کسی بات پر ثابت و قائم ہو جانا اور اقرار عموما کسی معاملہ یا وعدہ سے متعلق ہوتا ہے جو زمانہ مستقبل سے تعلق رکھتا ہے یعنی کسی وعدہ پر ثابت قدم اور قائم رہنا۔

عَرَفَ کے معنی کسی چیز کو پہچان لینا اور اَعْتَرَفَ بمعنی اپنے جرم کا اقرار کر لینا اور ذلیل و خوار ہونا گویا مجرم جو اپنے جرم سے بہرحال پہلے ہی واقف اور شناسہ ہوتا ہے۔ جب خود اس کا اقرار کر لے تو یہ اعتراف کہلاتا ہے اور اس جرم کا تعلق زمانہ گزشتہ سے ہوتا ہے جس کا اس نے اقرار کیا۔

بمعنی گواہی شہادت۔ اور یہ شہادت دو قسم کی ہوتی ہے ایک عینی شہادت دوسری قلبی شہادت۔ یعنی ایسی حقیقت جس کا انسان کو کلی طور پر یقین ہو اور اس کا قاضی کے سامنے بیان دینا جیسے کلمہ شہادت۔ جو ہر مسلمان گواہی دیتا ہے حالانکہ انہوں نے اللہ کو دیکھا نہیں اور صحابہ رضی اللہ عنہ کے علاوہ دوسرے مسلمانوں نے رسول اللہ صلی اللہ علیہِ والسلام اللہ کو بھی نہیں دیکھا پھر جب یہی قلبی شہادت اپنی ذات سے متعلق ہو تو اس کا معنی ”اقرار کرنا“ ہوگا۔