بمعنی کسی بات کو تسلیم نہ کرنا شدت امتناع۔ گردن کشی۔ قبول نہ کرنا اڑجانا اور اَبٰی کے معنی مکروہ جاننا ، ناپسند کرنا۔ کسی چیز سے نا خوش ہونا بھی ہے۔

نکر کے معنی کسی چیز کو نہ پہچاننا ۔ کسی چیز یا بات سے اجنبی ہونا اور اس کی ضد عَرَفَ ہے جس کے معنی کسی چیز کو پہچان لینے کے ہیں یعنی ایسی بات جسے انسان کا دل قبول نہ کرے اور جو اچھنپا معلوم ہو۔ خواہ وہ بوجہ جہالت نہ سمجھ سکے یا سمجھتا ہو۔

بمعنی کسی بات کا علم ہو جانے کے بعد دیدہ دانستہ انکار کردینا۔ ایسی بات کا زبان سے انکار کرنا جسے دل صحیح تسلیم کرتا ہوں۔

حق کو نہ پہچاننا اور اس کی بنیادی معنی کسی چیز کو چھپانے اور اس پر پردہ ڈالنے کے لیے ہیں۔ اور کسان کو بھی كافِر کہا جاتا ہے کیونکہ وہ زمین میں دانہ کو چھپا دیتا ہے۔ اور ان معنوں میں بھی یہ لفظ قرآن کریم میں استعمال ہوا ہے ۔