نباتاتی ایندھن ، ناکارہ صرف جلانے کے قابل لکڑی جھاڑجھنکار( پنجابی ہالن)۔

حَصَبَ کے معنی پتھر چھوٹی پتھریاں کنکروغیرہ اور حَاصِبْ اس تند و تیز ہوا کو کہتے ہیں جو کنکروں اور چھوٹے پتھروں کو اٹھائے پھرتے ہے (منجد) چناچہ یہ لفظ قرآن کریم میں پتھروں کی بارش کے معنی میں استعمال ہوا ہے اور حَصَبَ کے معنی ایندھن بھی ہے (منجد) اور اس سے مراد جماداتی ایندھن ہے مثلاًگندھک ، پوٹاش اور دوسرے آتش گیر مادے اور پتھر وغیرہ غرضیکہ ہر وہ چیز جو آگ کو بھڑکا دے وہ حصب ہے۔

وَقَدَ بمعنی آگ روشن کرنا اور وَقُوْد ہر وہ ایندھن ہے جو شعلہ پیدا کر کے جلے خواہ وہ لکڑیاں ہو یا پتھر یا انسان۔ بعض دفعہ آگ کی تیزی اس انتہا کو پہنچ جاتی ہے کہ پانی بھی اسے بجھانےکے بجائے اس کے مزید بھڑکنے کا سبب بن جاتا ہے تو اس صورت میں پانی بھی وقود میں شامل ہوگا کوئی بھی ایندھن کی قسم ہو جب وہ جل رہا ہو تو اس وقت وَقُوْد کہلائے گا پہلے نہیں ۔