مَھَدَ کا معنی بچھانا اور اس میں سامان تربیت مہیا کرنا ہے۔ جیسا کہ اوپر تفصیل گزر چکی ہے زمین کو اللہ تعالی نے اس لحاظ سے مِھَاد فرمایا ہے کہ اس میں یہ دونوں باتیں پائی جاتی ہیں۔

فرش بمعنی بچھانا اور ہموار کرنا۔ الفرش اپنے اصل معنی کے لحاظ سے کپڑا بچھانے کے معنوں میں آتا ہے تاہم فرش اینٹ پتھر کا فرش لگوانے کے معنوں میں بھی آتا ہے جیسے فَرَشَ الرَّجُلُ کے معنی بھی بچھونا یا بچھانا بھی ہے اور فرش بنوانا بھی اور فِرَاش بچھونا یا بستر کو کہتے ہیں اور کنایۃً فراش میاں بیوی میں سے ہر ایک پر بولا جاتا ہے۔

مضجع کی جمع ہے۔ ضَجَعَ بمعنی پہلو یا کروٹ کے بل لیٹنا ، سستانا یا آرام کرنا۔ خواہ اونگھ یا نیند آجائے یا نہ آئے۔ نیم خوابی کی حالت اور اَضْجَعَهٗ بمعنی اس نے سلا دیا اور مضجع بمعنی بستر یا بچھونا جس پر آرام کیا کیا جاتا ہے۔