اَجْر اور اُجْرَة وہ بدلا ہے جو پہلے عہد و پیمان سے متعین ہو چکا ہو یا بوقت ضرورت اجر بدلہ کا اعلان کرے اور اجیر اس کو قبول کرکے کام شروع کر دے۔ یہ جزائے عمل ہے اور عموما نفع مند بدلہ کے لیے بولا جاتا ہے۔ اجر کا لفظ دینی اور دنیوی دونوں طرح کے بدلہ کے لیے آتا ہے۔ لیکن اجرت کا لفظ عموماً دنیوی بدلہ پر بولا جاتا ہے۔ اور اجر کا مقام دینے والے کو اور اَجِیْر کام دینے والے خدمتگار یا اجرت وصول کرنے والے کو کہتے ہیں اور اِسْتَاْجَرَ بمعنی کسی کو مزدور یا نوکر رکھنا ۔ اجر کا استعمال دینی ، دنیوی دونوں صورتوں میں قرآن کریم میں مذکور ہے۔