         
 |
 |
الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔
سلسله احاديث صحيحه
الصيام والقيام
روزے اور قیام کا بیان
574. سحری کا کھانا بابرکت ہے
| حدیث نمبر: 861 |
سیدنا ابوہریرہ رضی اللہ عنہ بیان کرتے ہیں کہ نبی کریم صلی اللہ علیہ وسلم نے فرمایا: ”بے شک اللہ تعالیٰ نے سحری اور ناپ میں برکت رکھی ہے۔“ [سلسله احاديث صحيحه/الصيام والقيام/حدیث: 861]
سلسله احاديث صحيحه ترقیم البانی: 1291
| حدیث نمبر: 862 |
سیدنا انس رضی اللہ عنہ سے مروی ہے کہ نبی کریم صلی اللہ علیہ وسلم نے فرمایا: ”جو روزہ رکھنا چاہتا ہو، وہ کسی چیز کے ساتھ سحری کر لیا کرے۔“ [سلسله احاديث صحيحه/الصيام والقيام/حدیث: 862]
سلسله احاديث صحيحه ترقیم البانی: 2309
| حدیث نمبر: 863 |
سیدنا خالد بن معدان رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا: ”آؤ بابرکت کھانے کی طرف۔“ آپ کی مراد سحری کا کھانا تھا۔ [سلسله احاديث صحيحه/الصيام والقيام/حدیث: 863]
سلسله احاديث صحيحه ترقیم البانی: 2983
| حدیث نمبر: 864 |
سیدنا مقدام بن معدیکرب رضی اللہ عنہ سے روایت ہے کہ نبی کریم صلی اللہ علیہ وسلم نے فرمایا: ”سحری کا کھانا ضرور کھایا کرو، کیونکہ وہ بابرکت کھانا ہے۔ [سلسله احاديث صحيحه/الصيام والقيام/حدیث: 864]
سلسله احاديث صحيحه ترقیم البانی: 3408