         
 |
 |
الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔
سنن ابن ماجه
كتاب الطهارة وسننها
کتاب: طہارت اور اس کے احکام و مسائل
68. بَابُ: الْمَضْمَضَةِ مِنْ شُرْبِ اللَّبَنِ
68. باب: دودھ پی کر کلی کرنے کا بیان۔
| حدیث نمبر: 498 |
عبداللہ بن عباس رضی اللہ عنہما سے روایت ہے کہ نبی اکرم صلی اللہ علیہ وسلم نے فرمایا: ”دودھ پی کر کلی کر لیا کرو کیونکہ اس میں چکناہٹ ہوتی ہے“۔ [سنن ابن ماجه/كتاب الطهارة وسننها/حدیث: 498]
قال الشيخ الألباني: صحيح
قال الشيخ زبير على زئي: بخاري ومسلم
| حدیث نمبر: 499 |
ام المؤمنین ام سلمہ رضی اللہ عنہا سے روایت ہے کہ اللہ کے رسول صلی اللہ علیہ وسلم نے فرمایا: ”جب تم دودھ پیو تو کلی کر لیا کرو کیونکہ اس میں چکناہٹ ہوتی ہے“۔ [سنن ابن ماجه/كتاب الطهارة وسننها/حدیث: 499]
قال الشيخ الألباني: حسن صحيح
قال الشيخ زبير على زئي: إسناده حسن
| حدیث نمبر: 500 |
سہل بن سعد ساعدی رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”دودھ پی کر کلی کر لیا کرو کیونکہ اس میں چکناہٹ ہوتی ہے“۔ [سنن ابن ماجه/كتاب الطهارة وسننها/حدیث: 500]
قال الشيخ الألباني: صحيح
قال الشيخ زبير على زئي: حسن
| حدیث نمبر: 501 |
انس بن مالک رضی اللہ عنہ سے روایت ہے انہوں نے فرمایا کہ رسول اللہ صلی اللہ علیہ وسلم نے ایک بکری دودھ کر دودھ پیا، پھر پانی منگوا کر کلی کی اور فرمایا: ”اس میں چکناہٹ ہوتی ہے“۔ [سنن ابن ماجه/كتاب الطهارة وسننها/حدیث: 501]
قال الشيخ الألباني: ضعيف
قال الشيخ زبير على زئي: ضعيف¤ إسناده ضعيف¤ زمعة بن صالح: ضعيف وضعفه الجمهور كما قال البوصيري¤ انوار الصحيفه، صفحه نمبر 395