         
 |
 |
الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔
معجم صغير للطبراني
كِتَابُ الْمَنَاقِبُ
مناقب کا بیان
1. امّتِ محمدیہ علی صاحبہا الصلوٰۃ والسلام کی عظمت ورفعت کا بیان
| حدیث نمبر: 824 |
سیدنا ابوہریرہ رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”میری امّت مرحومہ ہے، اللہ تعالیٰ نے اس کا عذاب اس کے اپنے ہاتھ میں کر دیا ہے، جب قیامت کا دن ہو گا تو مسلمانوں کے ہر ایک آدمی کو دوسرے ادیان کا ایک آدمی دیا جائے گا جو اس کے جہنم سے چھٹکارے کے لیے فدیہ ہو جائے گا۔“ [معجم صغير للطبراني/كِتَابُ الْمَنَاقِبُ/حدیث: 824]
تخریج الحدیث: «إسناده صحيح، أخرجه ابن ماجه فى «سننه» برقم: 4291، وأحمد فى «مسنده» برقم: 19909، وأبو يعلى فى «مسنده» برقم: 7267، 7282، والبزار فى «مسنده» برقم: 3101، 3198، 3199، والطبراني فى «الأوسط» برقم: 1، 974، 2257، 8699، والطبراني فى «الصغير» برقم: 5، وله شاهد من حديث أنس بن مالك أخرجه ابن ماجه فى «سننه» برقم: 4292، قال الشيخ الألباني: صحيح»
2. سیدہ خدیجہ رضی اللہ عنہا کی فضیلت و عظمت کا بیان
| حدیث نمبر: 825 |
سیدنا عبداللہ بن ابی اوفی رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”مجھے جبریل علیہ السلام نے کہا ہے کہ سیدہ خدیجہ رضی اللہ عنہا کو جنّت میں بانسوں کے مکان کی بشارت دیجیے، جس میں نہ شور ہوگا اور نہ کوئی تھکاوٹ ہوگی، یعنی یہ کانے اور بانس موتیوں کے ہوں گے۔“ [معجم صغير للطبراني/كِتَابُ الْمَنَاقِبُ/حدیث: 825]
تخریج الحدیث: «أخرجه البخاري فى «صحيحه» برقم: 1792، 3819، ومسلم فى «صحيحه» برقم: 2433، وابن خزيمة فى «صحيحه» برقم: 2775، وابن حبان فى «صحيحه» برقم: 3843، 3844، 7004، والحاكم فى «مستدركه» برقم: 6494، والنسائي فى «الكبریٰ» برقم: 8302، وأحمد فى «مسنده» برقم: 19435، والحميدي فى «مسنده» برقم: 737، والطبراني فى «الأوسط» برقم: 2221، والطبراني فى «الصغير» برقم: 19، 194، وله شواهد من حديث عائشة بنت أبى بكر الصديق، فأما حديث عائشة بنت أبى بكر الصديق، أخرجه البخاري فى «صحيحه» برقم: 3816، 3817، ومسلم فى «صحيحه» برقم: 2434، 2435، والترمذي فى «جامعه» برقم: 3876، وابن ماجه فى «سننه» برقم: 1997»
3. وقتِ ولادت بچے کی چیخ کا بیان
| حدیث نمبر: 826 |
سیدنا ابوہریرہ رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”بچے کا ولادت کے وقت چیخ لگانا شیطان کی طرف سے ہوتا ہے۔“ [معجم صغير للطبراني/كِتَابُ الْمَنَاقِبُ/حدیث: 826]
تخریج الحدیث: «أخرجه مسلم فى «صحيحه» برقم: 2367، وابن حبان فى «صحيحه» برقم: 6183، والطبراني فى «الأوسط» برقم: 1872، والطبراني فى «الصغير» برقم: 29، وصحيح الجامع برقم: 3846»
4. دونوں آنکھوں کے درمیان بوسہ دینے کا بیان
| حدیث نمبر: 827 |
سیدنا عون بن ابی جحیفہ اپنے باپ سے بیان کرتے ہیں کہ سیدنا جعفر بن ابی طالب رضی اللہ عنہ حبشہ کی سرزمین سے آئے تو رسول اللہ صلی اللہ علیہ وسلم نے ان کی آنکھوں کے درمیان والی جگہ کو بوسہ دیا اور فرمایا: ”مجھے یہ بات معلوم نہیں کہ میں جعفر کے آنے سے زیادہ خوش ہوں یا خبیر کی فتح سے۔“ [معجم صغير للطبراني/كِتَابُ الْمَنَاقِبُ/حدیث: 827]
تخریج الحدیث: «إسناده ضعيف، أخرجه الطبراني فى «الكبير» برقم: 1470، 244، والطبراني فى «الأوسط» برقم: 2003، والطبراني فى «الصغير» برقم: 30، وله شواهد من حديث الشعبي، فأما حديث الشعبي أخرجه أبو داود فى «سننه» برقم: 5220، قال الشيخ الألباني: ضعيف، والطبراني فى «الكبير» برقم: 1469، وابن أبى شيبة فى «مصنفه» برقم: 26243
قال الهيثمي: رواه الطبراني في الثلاثة، وفي رجال الكبير أنس بن سلم، ولم أعرفه، وبقية رجاله ثقات . مجمع الزوائد ومنبع الفوائد: (271/9)»
قال الهيثمي: رواه الطبراني في الثلاثة، وفي رجال الكبير أنس بن سلم، ولم أعرفه، وبقية رجاله ثقات . مجمع الزوائد ومنبع الفوائد: (271/9)»
5. مدینہ منورہ کی عجوہ کھجور کی فضیلت کا بیان
| حدیث نمبر: 828 |
سیدہ عائشہ رضی اللہ عنہا نبی کریم صلی اللہ علیہ وسلم سے بیان کرتی ہیں کہ آپ صلی اللہ علیہ وسلم نے فرمایا: ”جس نے عالیہ (مدینہ کے اوپر والی جانب) کی سات عدد عجوہ کھجوریں صبح کے وقت کھائیں اس پر شام تک کوئی زہر یا جادو اثر نہیں کر سکتا۔“ [معجم صغير للطبراني/كِتَابُ الْمَنَاقِبُ/حدیث: 828]
تخریج الحدیث: «صحيح، وأخرجه الطبراني فى «الأوسط» برقم: 6000، والطبراني فى «الصغير» برقم: 31، وله شاهد من حديث سعد بن أبى وقاص أخرجه البخاري فى «صحيحه» برقم: 5445، 5768، 5769، 5779، ومسلم فى «صحيحه» برقم: 2047، وأبو داود فى «سننه» برقم: 3876، وأحمد فى «مسنده» برقم: 1459، والحميدي فى «مسنده» برقم: 70، والنسائي فى «الكبریٰ» برقم: 6680»
6. دعوت قبول کرنے کا بیان
| حدیث نمبر: 829 |
سیدنا ابن عباس رضی اللہ عنہما کہتے ہیں: عوالی کا کوئی آدمی نبی کریم صلی اللہ علیہ وسلم کو نصف رات کے وقت اگر جو کی روٹی کی طرف دعوت دیتا تو پھر بھی آپ قبول کر لیتے۔ [معجم صغير للطبراني/كِتَابُ الْمَنَاقِبُ/حدیث: 829]
تخریج الحدیث: «إسناده ضعيف، أخرجه الطبراني فى «الكبير» برقم: 11059، والطبراني فى «الأوسط» برقم: 255، والطبراني فى «الصغير» برقم: 41
قال الهيثمي: وفيه أبو مسلم قائد الأعمش وثقه ابن حبان وقال يخطئ وضعفه جماعة، مجمع الزوائد ومنبع الفوائد: (4 / 53)»
قال الهيثمي: وفيه أبو مسلم قائد الأعمش وثقه ابن حبان وقال يخطئ وضعفه جماعة، مجمع الزوائد ومنبع الفوائد: (4 / 53)»
7. امّتِ محمدیہ علی صاحبہا الصلوٰۃ والسلام کا دیگر امتوں پر فوقیت کا بیان
| حدیث نمبر: 830 |
سیدنا ابن عمر رضی اللہ عنہما کہتے ہیں کہ نبی کریم صلی اللہ علیہ وسلم نے فرمایا: ”پہلی امتوں میں جو گزر چکی ہیں، تمہارا وقت اتنا ہے جتنا عصر کی نماز سے غروبِ شمس تک ہے۔“ [معجم صغير للطبراني/كِتَابُ الْمَنَاقِبُ/حدیث: 830]
تخریج الحدیث: «أخرجه البخاري فى «صحيحه» برقم: 557، 2268، 2269، 3459، 5021، 7467، 7533، وابن حبان فى «صحيحه» برقم: 6639، 7217، 7221، والترمذي فى «جامعه» برقم: 2871، والبيهقي فى «سننه الكبير» برقم: 11758، 11759، وأحمد فى «مسنده» برقم: 4596، والطبراني فى «الكبير» برقم: 13285، 13876، والطبراني فى «الأوسط» برقم: 494، 1619، والطبراني فى «الصغير» برقم: 53، وعبد الرزاق فى «مصنفه» برقم: 20565»
8. عشرہ مبشرہ صحابہ کرام رضوان اللہ علیہم اجمعین کا بیان
| حدیث نمبر: 831 |
سیدنا ابن عمر رضی اللہ عنہما کہتے ہیں کہ رسول اللہ صلی اللہ علیہ وسلم نے فرمایا: ”دس آدمی قریش کے جنتی ہیں۔ ابوبکر، عمر، عثمان، علی، طلحہ، زبیر، سعد، سعید بن زید، عبدالرحمان بن عوف، ابوعبیدہ بن الجراح (رضوان اللہ علیہم اجمعین) جنتی ہیں۔“ [معجم صغير للطبراني/كِتَابُ الْمَنَاقِبُ/حدیث: 831]
تخریج الحدیث: «صحيح، وأخرجه الطبراني فى «الكبير» برقم: 13823، والطبراني فى «الأوسط» برقم: 2201، والطبراني فى «الصغير» برقم: 62، وله شواهد من حديث أنس بن مالك، وحديث أبى هريرة الدوسي، فأما حديث أنس بن مالك، أخرجه البخاري فى «صحيحه» برقم: 3675، 3686، 3699، وأبو داود فى «سننه» برقم: 4651، والترمذي فى «جامعه» برقم: 3697، وأحمد فى «مسنده» برقم: 12289، وابن حبان فى «صحيحه» برقم: 6865، وأما حديث أبى هريرة الدوسي، أخرجه مسلم فى «صحيحه» برقم: 2417، 2417، والترمذي فى «جامعه» برقم: 3696، وأحمد فى «مسنده» برقم: 9555، وأما حديث سعيد بن زيد بن عمرو العدوي، أخرجه أبو داود فى «سننه» برقم: 4648، 4649»
9. بیٹی کی پیدائش کی فضیلت کا بیان
| حدیث نمبر: 832 |
اسی سند سے آپ صلی اللہ علیہ وسلم نے فرمایا: ”جب کسی آدمی کی بیٹی پیدا ہوتی ہے تو اللہ تعالیٰ وہاں فرشتے بھیج دیتے ہیں جو کہتے ہیں: ”اے گھر والو! تم پر اللہ کی سلامتی نازل ہو۔“ اور پھر وہ ان کو اپنے بازوؤں سے گھیر لیتے ہیں اور اپنے ہاتھ اس بچی کے سر پر پھیرتے ہیں اور کہتے ہیں: ”یہ کمزور ہے اور کمزور ماں سے پیدا ہوئی ہے۔ اس کا نگران قیامت تک مدد کیا جائے گا۔“ [معجم صغير للطبراني/كِتَابُ الْمَنَاقِبُ/حدیث: 832]
تخریج الحدیث: «إسناده ضعيف، انفرد به المصنف من هذا الطريق وأخرجه الطبراني فى «الصغير» برقم: 70
قال الهيثمي: فيه جماعة لم أعرفهم، مجمع الزوائد ومنبع الفوائد: (8 / 156)»
قال الهيثمي: فيه جماعة لم أعرفهم، مجمع الزوائد ومنبع الفوائد: (8 / 156)»
10. وقوعِ قیامت کا بیان
| حدیث نمبر: 833 |
سیدنا ابوسعید رضی اللہ عنہ کہتے ہیں: جب ہم غزوۂ تبوک سے واپس آئے تو ایک آدمی نے پوچھا: یا رسول اللہ صلی اللہ علیہ وسلم ! قیامت کب ہوگی؟ تو آپ صلی اللہ علیہ وسلم نے فرمایا: ”لوگوں پر ایک سو سال نہیں گزرے گا جبکہ زمین پر ایک بھی ذی روح موجود ہو جو کہ آج موجود ہے۔“ [معجم صغير للطبراني/كِتَابُ الْمَنَاقِبُ/حدیث: 833]
تخریج الحدیث: «إسناده صحيح، أخرجه مسلم فى «صحيحه» برقم: 2539، وابن حبان فى «صحيحه» برقم: 2986، والطبراني فى «الأوسط» برقم: 2210، والطبراني فى «الصغير» برقم: 74، وابن أبى شيبة فى «مصنفه» برقم: 38715»