         
 |
 |
الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔
سنن ابن ماجه
كتاب الأشربة
کتاب: مشروبات کے متعلق احکام و مسائل
| حدیث نمبر: 3381 |
انس بن مالک رضی اللہ عنہ کہتے ہیں کہ رسول اللہ صلی اللہ علیہ وسلم نے دس قسم کے لوگوں پر شراب کی وجہ سے لعنت فرمائی: ”اس کے نچوڑنے والے پر، نچڑوانے والے پر، اور اس پر جس کے لیے نچوڑی جائے، اسے لے جانے والے پر، اس شخص پر جس کے لیے لے جائی جائے، بیچنے والے پر، اس پر جس کو بیچی جائے، پلانے والے پر اور اس پر جس کو پلائی جائے“، یہاں تک کہ دسوں کو آپ نے گن کر اس طرح بتایا۔ [سنن ابن ماجه/كتاب الأشربة/حدیث: 3381]
تخریج الحدیث: «سنن الترمذی/البیوع 59 (1295)، (تحفة الأشراف: 900)، وقد أخرجہ: مسند احمد (1/316، 2/97) (صحیح)»
قال الشيخ الألباني: صحيح
7. بَابُ: التِّجَارَةِ فِي الْخَمْرِ
7. باب: شراب کی تجارت کا بیان۔
| حدیث نمبر: 3382 |
ام المؤمنین عائشہ رضی اللہ عنہا کہتی ہیں کہ جب سود کے سلسلے میں سورۃ البقرہ کی آخری آیات نازل ہوئیں تو رسول اللہ صلی اللہ علیہ وسلم باہر تشریف لائے، اور شراب کی تجارت کو حرام قرار دے دیا۔ [سنن ابن ماجه/كتاب الأشربة/حدیث: 3382]
تخریج الحدیث: «صحیح البخاری/البیوع 105 (2226)، صحیح مسلم/المساقاة 12 (1580)، سنن ابی داود/البیوع 66 (3490)، سنن النسائی/البیوع 89 (4669)، (تحفة الأشراف: 17636) (صحیح)»
قال الشيخ الألباني: صحيح
| حدیث نمبر: 3383 |
عبداللہ بن عباس رضی اللہ عنہما کہتے ہیں کہ عمر رضی اللہ عنہ کو خبر ملی کہ سمرہ رضی اللہ عنہ نے شراب بیچی ہے تو کہا: اللہ تعالیٰ سمرہ کو تباہ کرے، کیا اسے نہیں معلوم کہ رسول اللہ صلی اللہ علیہ وسلم نے فرمایا ہے کہ یہود پر اللہ کی لعنت ہو، اس لیے کہ ان پر چربی حرام کی گئی تھی، تو انہوں نے اسے پگھلایا اور بیچ دیا ۱؎۔ [سنن ابن ماجه/كتاب الأشربة/حدیث: 3383]
تخریج الحدیث: «صحیح البخاری/البیوع 103 (2223)، الأنبیاء 50 (3457)، صحیح مسلم/المساقاة 13 (1582)، سنن النسائی/الفرع والعتیرة 8 (4262)، (تحفة الأشراف: 10501)، وقد أخرجہ: مسند احمد (1/25)، سنن الدارمی/الأشرابة 9 (2150) (صحیح)»
قال الشيخ الألباني: صحيح
8. بَابُ: الْخَمْرِ يُسَمُّونَهَا بِغَيْرِ اسْمِهَا
8. باب: رسول اللہ صلی اللہ علیہ وسلم کی پیش گوئی کہ لوگ شراب کا نام بدل کر اسے پیئیں گے۔
| حدیث نمبر: 3384 |
ابوامامہ باہلی رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”رات اور دن یعنی زمانہ ختم نہیں ہو گا یہاں تک کہ میری امت کی ایک جماعت اس میں شراب پئے گی، وہ شراب کا نام بدل دے گی“ ۱؎۔ [سنن ابن ماجه/كتاب الأشربة/حدیث: 3384]
تخریج الحدیث: «تفرد بہ ابن ماجہ، (تحفة الأشراف: 4858، ومصباح الزجاجة: 1174) (صحیح) (عبدالسلام ضعیف ہے، لیکن شواہد کی بناء پر حدیث صحیح ہے، ملاحظہ ہو: سلسلة الاحادیث الصحیحة، للالبانی: 1/137 و 138)»
قال الشيخ الألباني: صحيح
| حدیث نمبر: 3385 |
عبادہ بن صامت رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”میری امت کے بعض لوگ شراب کا دوسرا نام رکھ کر پئیں گے“۔ [سنن ابن ماجه/كتاب الأشربة/حدیث: 3385]
تخریج الحدیث: «تفرد بہ ابن ماجہ، (تحفة الأشراف: 5072)، وقد أخرجہ: مسند احمد (5/318) (صحیح)»
قال الشيخ الألباني: صحيح
9. بَابُ: كُلُّ مُسْكِرٍ حَرَامٌ
9. باب: ہر نشہ لانے والی چیز حرام ہے۔
| حدیث نمبر: 3386 |
ام المؤمنین عائشہ رضی اللہ عنہا کہتی ہیں کہ رسول اللہ صلی اللہ علیہ وسلم نے فرمایا: ”ہر نشہ لانے والی چیز حرام ہے“۔ [سنن ابن ماجه/كتاب الأشربة/حدیث: 3386]
تخریج الحدیث: «صحیح البخاری/الوضو 71 (242)، الأشربة 4 (5585، 5586)، صحیح مسلم/الأشربة 7 (2001)، سنن ابی داود/الأشربة 5 (3682)، سنن الترمذی/الأشربة 2 (1863)، سنن النسائی/الأشربة 23 (5594)، (تحفة الأشراف: 17764)، وقد أخرجہ: موطا امام مالک/الأشربة 4 (9)، مسند احمد (6/36، 97، 190، 226)، سنن الدارمی/الأشربة 8 (2142) (صحیح)»
قال الشيخ الألباني: صحيح
| حدیث نمبر: 3387 |
عبداللہ بن عمر رضی اللہ عنہما کہتے ہیں کہ رسول اللہ صلی اللہ علیہ وسلم نے فرمایا: ”ہر نشہ لانے والی چیز حرام ہے“۔ [سنن ابن ماجه/كتاب الأشربة/حدیث: 3387]
تخریج الحدیث: «تفرد بہ ابن ماجہ، (تحفة الأشراف: 7035)، وقد أخرجہ: صحیح مسلم/الأشربة 7 (2003)، سنن ابی داود/الأشربة 5 (3679)، سنن الترمذی/الأشربة 1 (1861)، 2 (1864)، سنن النسائی/الأشربة 46 (5676، 5677)، مسند احمد (2/16، 29، 31، 91، 98، 105، 158) (صحیح)»
قال الشيخ الألباني: صحيح
| حدیث نمبر: 3388 |
عبداللہ بن مسعود رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”ہر نشہ آور چیز حرام ہے“۔ ابن ماجہ کہتے ہیں: یہ اہل مصر کی حدیث ہے۔ [سنن ابن ماجه/كتاب الأشربة/حدیث: 3388]
تخریج الحدیث: «تفرد بہ ابن ماجہ، (تحفة الأشراف: 9563، ومصباح الزجاجة: 1175) (صحیح)» (سند میں ایوب بن ہانی ضعیف راوی ہیں، لیکن اگلی حدیثوں سے تقویت پاکر صحیح ہے)
قال الشيخ الألباني: صحيح لغيره
| حدیث نمبر: 3389 |
معاویہ رضی اللہ عنہ کہتے ہیں کہ میں نے رسول اللہ صلی اللہ علیہ وسلم کو فرماتے سنا: ”ہر نشہ لانے والی چیز ہر مومن پر حرام ہے“۔ یہ اہل رقہ کی حدیث ہے۔ [سنن ابن ماجه/كتاب الأشربة/حدیث: 3389]
تخریج الحدیث: «تفرد بہ ابن ماجہ، (تحفة الأشراف: 11451، ومصباح الزجاجة: 1176) (ضعیف)» (سند میں سلیمان بن عبد اللہ لین الحدیث ہے، لیکن حدیث «كل مسكر حرام» کا جملہ صحیح ہے، کما تقدم)
قال الشيخ الألباني: ضعيف
| حدیث نمبر: 3390 |
عبداللہ بن عمر رضی اللہ عنہما کہتے ہیں کہ رسول اللہ صلی اللہ علیہ وسلم نے فرمایا: ”ہر نشہ لانے والی چیز شراب ہے اور ہر شراب حرام ہے“۔ [سنن ابن ماجه/كتاب الأشربة/حدیث: 3390]
تخریج الحدیث: «سنن الترمذی/الأشربة 2 (1864)، سنن النسائی/الأشربة 23 (5590)، (تحفة الأشراف: 8584)، وقد أخرجہ: حم (2/16، 29، 31، 104) (صحیح)»
قال الشيخ الألباني: صحيح