         
 |
 |
الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔
مسند اسحاق بن راهويه
كتاب الطهارة
طہارت اور پاکیزگی کے احکام و مسائل
32. کھانا کھانے کے لیے وضو ضروری نہیں
| حدیث نمبر: 120 |
سیدنا ابن عباس رضی اللہ عنہما بیان کرتے ہیں، ہم رسول اللہ صلی اللہ علیہ وسلم کے پاس تھے، پس آپ بیت الخلاء سے باہر تشریف لائے تو آپ صلی اللہ علیہ وسلم کی خدمت میں کھانا پیش کیا گیا اور عرض کیا گیا: کیا آپ وضو نہیں فرمائیں گے؟ آپ صلی اللہ علیہ وسلم نے فرمایا: ”کیوں؟ نماز پڑھوں گا تو وضو کرلوں گا۔“ [مسند اسحاق بن راهويه/كتاب الطهارة /حدیث: 120]
تخریج الحدیث: «مسلم، كتاب الحيض، باب جواب كل المحداث الطعام الخ، رقم: 374 . سنن ابوداود، رقم: 376 . سنن ترمذي، رقم: 1847 . سنن نسائي، رقم: 132 . سنن ابن ماجه، رقم: 3261 . مسند احمد: 282/2 . سنن كبري بيهقي: 42/1»
| حدیث نمبر: 121 |
عمرو نے اس اسناد سے اسی کے مثل روایت کیا ہے۔ [مسند اسحاق بن راهويه/كتاب الطهارة /حدیث: 121]
تخریج الحدیث: «السابق»
33. نماز کے لیے وضو کرنا مشروع ہے
| حدیث نمبر: 122 |
سیدنا ابن عباس رضی اللہ عنہما نے رسول اللہ صلی اللہ علیہ وسلم سے روایت کیا، آپ صلی اللہ علیہ وسلم نے فرمایا: ”اگر تم ضائع نہ کر دیتے تو میں ہر نماز کے وقت مسواک کرنے کا تمہیں حکم دیتا۔“ [مسند اسحاق بن راهويه/كتاب الطهارة /حدیث: 122]
تخریج الحدیث: «اسناده، ضعيف له شواهد صحيح . بخاري، كتاب الجمعة، باب السواك يوم الجمعة، رقم: 887 . مسلم، كتاب الطهارة، باب السواك، رقم: 252 . سنن ابوداود، رقم: 46»
34. مردار کے چمڑے سے فائدہ اٹھانا
| حدیث نمبر: 123 |
سیدنا ابن عباس رضی اللہ عنہما نے بیان کیا، ان کی خالہ کی بکری مر گئی تو انہوں نے اسے باہر پھینک دیا، تو رسول اللہ صلی اللہ علیہ وسلم نے فرمایا: ”تم نے اس کے چمڑے سے فائدہ کیوں نہ اٹھا لیا؟“ [مسند اسحاق بن راهويه/كتاب الطهارة /حدیث: 123]
تخریج الحدیث: «مسلم، كتاب الحيض، باب طهارة جولد الميتة بالدباغ، رقم: 363 . سنن ابوداود، رقم: 4120 . سنن ترمذي، رقم: 1727 . سنن نسائي، رقم: 4234 . سنن ابن ماجه، رقم: 3612، 3611»